Reportajen Silvino Freitas
Dezentendimentu iha suku Uaitame neebe komunidade balun rezeita atu integra ba Postu Kelikai-Antigu, autoridade municipiu Baucau buka ona meius balun hanesan dialogu no liuhusi konsellu konsultivu atu bele solusiona maibe nafatin laiha satisfasaun ba komunidade, nunee autoridade municipal entrega hikas ba komunidade no intektual suku uaitame atu tuur hamutuk ho lian ida deit hodi buka solusaun.
PAM Baucau Veneranda Lemos Martins dehan, suku uaitame nia problema sira tenta atu resolve maibe problema refere kontribui makaas husi komunidade rasik, tanba estabelesimentu ba postu administrativu foun nee mai kedas husi oitavu governu tanba governu ida ba governu seluk nee tenke iha kontinuidade nunee iha oitavu governu nia tempu sira haree katak iha governu local iha duni nesesidade atu fo kontinuidade ba postu foun ho hanoin ida husi nonu governu atu lori governasaun besik liu ba komunidade sira entaun sira fo importansia duni ba postu foun nee iha Kelikai.
“Bainhira ami haree ba dokumentu sira neebe iha iha hotu asinatura proposta mai husi veteranu sira sosiedade sivil sira intelektuais ho kamadas sosiais lubuk ida iha kelikai fo ninia asinatura atu harii postu foun nee nomos suku sira neebe atu integra iha postu foun nee” dehan PAM Baucau Veneranda Lemos Martins ba jornalista sira iha embaixada Japaun Dili, (27/01).
Nia haktuir, iha janeiru 2024 sira halao vizita ba postu foun komunidade balun rejeita lakohi atu integra ba postu foun naran postu kelikai-antigu tanba prosesu tomak mai husi governasaun anterior tuir loloos sira implementa deit, tanba respeita ba hotu hotu nia hanoin entaun sira loke dialogu ho komunidade sira iha suku uaitame nomos iha abafala, suku abafala hotu hotu mai ho lian ida deit hakarak hela iha postu kelikai tanba distansia besik liu ba postu kelikai, maibe husi suku uaitame laiha lian ida deit balun hakarak no balun lakohi, entaun atu labele iha desentendimentu entre komunidade sira maka autoridade municipal nafatin loke dalan atu komunidade sira tuur hamutuk koalia oinsa mak bele resolve tiha problema ida nee.
“tanba bainhira suku nee la lao maka ita halo impedimentu ba dezenvolvimentu la fo vantajen ba joven sira neebe atu ba eskola no buka moris iha rai liur atu trata sira nia dikumentus nee desvantajen boot laos deit iha nee subsisidiu ferik ho katuas no subsidiu seluk no dezenvolvimentu hotu sei paradu” nia dehan.
PAM Baucau Veneranda Lemos Martins husu ba komunidade no intelektual suku sira fila fali ba malu tuur koalia ba malu hodi buka solusaun, nunee autoridade munisipiu baukau mos halo ona relatoriu ida mai ministriu administrasaun estatal atu orienta hodi solusiona dezentendimentu, tanba meius hotu liuhusi dialogu la hetan soslusaun entaun dalan uniku ba munisipiu maka liuhusi konsellu konsultivu municipal konsellu neebe as liu iha munisipiu sira konsellu ida nee reprezenta ona asembleia municipal neebe hola parte husi kamada sociais no politiku, desizaun sai tiha maibe la fo satisfasaun.
“agora dezisaun fila fali ba suku intelektuais kamada social uaitame oan sira buka malu koalia ba malu depois mai fo hatene ami buka dalan mais situasaun ida nee atu fo sala deit ba ema ida hau hanoin dalan laiha no konstentamentu neebe akontese labele fo kulpa deit ba ema ida maibe hotu hotu kontribui tanba nee mak hau apela ba uaitame atu koalia ita sei nafatin maski konsellu konsultivu iha ona desizaun maibe ita boot sira laiha satisfasaun nafatin ita boot sira mak buka dalan depois mai fo hateten ami tuir” konklui PAM Veneranda.
Ligadu ho dezentedimentu refere, jornalista Neon Metin tenta konfirma ho xefe suku Uaitame Celestino Morreira maibe seidauk bele fo komentariu tanba nia ho kondisaun neebe moras.
