Reportajen Umbelina dos Reis
Kadetes Polisia Nasionál Timor-Leste (PNTL) 2025, hosi munisípiu Ainaro ezize ba Ministériu Interior (MI), Primeiru-Ministru (PM), liuhosi Konsellu Ministru hodi anula total rezultadu rekrutamentu kadetes PNTL 2025, Primeiru Ministru liu husi Konsellu Ministru tenki loke investigasaun ba komisaun rekrutamentu anterior, hodi nune’e bele kombate no prevene aktu ilísitu iha prezente no futuru hodi garantia transparente ba boa governasaun.
Liuhosi konferensia imprensa portavoz Sidonio Pinheiro da Costa hateten, kandaditu ba Polisia Nasionál Timor-Leste (PNTL), munisipiu Ainaru neʼebé aprovadu iha lista 10 mil ital hakarak hato’o sira nia preokupasaun no lamentasaun relasiona ho tratamentu iha prosesu rekrutamentu nia laran no ami rezeita total sistema nepotismu no grupuismu iha lista kandaditu 2025/2026, tuir sira nia haree katak diploma Miniterial númeru 17/2025 iha loron 25 fulan juñu ne’e halo traisaun no viola prinsipiu konstuisional no konvensaun Internasinal sira, liliu haree ba Direitus Umanus hodi garantia transparente no boa governasaun, tanba ne’e Provedór Direitus Umanus no Justisa (PDHJ), halo fiskalizasaun Abstrata susesiva ba Tribunal Rekursu ikus mai Provedór Diretus Umanus no Justisa (PDHJ), deklara iha loron 13 fulan janeiru tinan 2026 hatete katak juízes konstitui plenária fo sai akordaun tribunal númeru 0073/2025 deklara inkonstuisionalidade no ilegalidade ba regras ne’ebé estabelese iha Diploma Miniterial, tanba ne’e sira kandidatu 10 mil ital kategoria aprovadu.
“Ami husu ba Primeiru Ministru liuhosi Konsellu Ministru tenki hasai rezolusaun governu hodi anula total ba prosesu rekrutamentu, tanba ami nota prosesu rekrutamentu hamosu deskonfiansa públiku no lamentasaun barak hosi públiku inklui kandidatu sira, tanba ami senti lamentasaun iha lista PNTL neʼebé númeru kiik maioria PNTL nia oan, subrinho no família deit, nune’e ami hato’o keixa ba Provedór Direitus Umanus no Justisa (PDHJ), iha loron 5 fulan fevereiru tinan 2026 ikus mai konforme PDHJ deklara iha loron 9 fulan fevereiru 2026 halo fiskalizasaun ba averiguasaun ba faktu sira neʼebé kandidatu sira hato’o reklamasaun ikus mai deklara lista neʼebé atu ba tuir teste médiku maioria polisia nia oan liliu komandante ne’ebé tur iha komisaun juri no mós komandante jerál ho komandante munisípiu sira nia oan maka iha lista númeru kiik atu ba tuir teste médiku ida ne’e hatudu faktus hodi hamosu deskofiansa públiku relasiona ho lista teste médiku maioria PNTL nia oan, subrinho no familia, entaun ida ne’e ami kandidatu munisipiu Ainaru manifesta ami nia protidaun ba Primeiru Ministru no Ministru Interior tenki foti desizaun adekuadu no tuir ami kandidatu nia exijénsia. ” Dehan portavoz Sidonio Pinheiro da Costa, liuhosi konferensia imprensa iha jardim 5 de maio, segunda-feira, 02/03.
Nia informa, kandidatu 10 mil ital hakarak husu Primeiru Ministru (PM), no Ministru Interior (MI), liu husi Konsellu Ministru tenki anula total ba prosesu rekrutamentu, hodi estabelese komisaun Independente hosi Internasionál inklui nasionál hanesan PDHJ, sosiedade sivil, Igreja, akademika mais kualifikadu, labele envolve komisaun anterior iha laran, tanba komisaun anterior hamosu deskonfiansa no konflitu interese ho abuzu poder iha prosesu rekrutamentu nia laran.
“Ami husi ba Primeiru Ministru liu husi Konsellu Ministru tenki loke investigasaun ba komisaun rekrutamentu anterior, hodi nune’e bele kombate no prevene aktu ilísitu iha prezente no futuru hodi garantia transparente no boa governasaun iha prosesu rekrutamentu, se la tuir ami kandidatu 10 mil tal nia exijénsia ne’ebé mensiona iha leten maka ami sei manifesta protidaun halo asaun pasífika hasoru Primeiru Ministru no Ministru Interior.” Nia konklui.
