Reportajen Joanina Casamiro
Lian Feto Sobrevivente Iha Loron 20 de Maio, Husu Ba Governu no Estadu, Liuliu ba Povu Timor-Leste Hotu Tenke Hamutuk Hodi Hanoin Ba Oin La bele Hanoin Fila Fali ba iha Tempu Pasadu nian.
Dulce de Fatima Ximenes dehan, hakarak hatoo parabens ba loron restaurasaun da Independensia ba dala 24 ne’ebé realiza iha fatin ida ne’e husu ba governu, estadu ida ne’e se bele karik tenke hare ba oin la bele fila fali ba iha tempu ne’ebe liu ona, husu ba povu Timor Leste oinsa, atu bele ba oin atu nunee la bele hanoin ba kotuk, liuliu ba joven sira tenke partisipa iha loron istoriku sira hanesan ne’e importante ba povu Timor- Leste, atu bele hatene luta uluk nia.
” Hau Orgullu tebes ba iha loron restaurasaun independensia ba dala 24, husu ba joven sira iha futuru mai ita hatene katak ita nia governu ida ne’e halo Desenvolvimentu ida ne’ebé di’ak ba futuru aban bairua tanba agora ita mos tama ona ba ASEAN oinsa mak ita bele desenvolve ita nia rai ida ne’e, tenke fo liman ba malu hodi nunee hakuak malu liuliu ba ita nian ulun sira atu nunee ita nia lider sira presiza hakuak malu ho fuan boot atu nunee ami povu ki’ik sira bele sente kontente hakmatek no haksolok ba rai doben Timor Leste ida ne’e.nia dehan ba Neon Metin iha Tasi tolu 20/5.
Nia mos hato’o mensagen ba governu liuliu ba feto maluk sira hotu iha 13 munisipiu hakarak hatoo ami nia parabens ba ita hotu ami hakuak boot maski ita boot sira iha munisipiu tenke partisipa ho orgullu boot ba iha nasaun Timor-Leste, tanba ita mos sai ona ASEAN tenke fo liman ba malu para oinsa bele desenvole rai doben Timor- Leste.
” Entaun mai ita hamutuk hotu buka soluzaun la’o dalan ho governu atu nune’e governu bele fasilita feto sira para oinsa bele halo desenvolvementu ida ne’e ba iha futuru oin mai, hakarak hato’o ba governu liuliu ba iha Primeiru Ministru Maun Boot Kay Rala Xanana Gusmão hanesan lider karismatiku ida ne’ebé ami hanesan nuudar feto oinsa ba desenvolvementu ba futuru hakarak hatudu ba povu ida ne’e ba rai doben TimorLeste, Desenvolventu lao diak tebes maibe seidauk to’o iha 100 porsentu tanba ita nia dezempregu sei sae makas hela maibe ba futuru bele atijin ona 100 porsentu husu ba joven sira tenke iha vontade ne’ebé diak hodi kontinua aprende ba iha aban bairu futuru iha joven sira nia liman.nia esplika
