Reportajen estajiariu Isac Sarmento
Ministru Transporte no Komunikasaun(MTK) hamutuk ho Minister of Post Telecommunication Cambodia halo lansamentu bá plataforma verify.gov.tl bazeia bá planu iha 2025, nune’e plataforma ne’e sei útil uluk bá karta kondusaun atu bele asegura kartaun nia orijinalidade, nune’e mós kartaun kondusaun hotu sei uza kode Quick Respond (QR) hodi bele asesu bá plataforma refere.
MTK Miguel Marques Gonçalves Manetelu hateten, atividade ida ne’e hodi lansa plataforma verify.gov.tl ne’ebé mak harii iha Cambodia bazeia ba akordu ne’ebé mak asina iha dia 20 de janeiru 2025 iha Cambodia.
“Hahú husi marsu 2025 tekniku sira hahú servisu ne’e é konklui kuaze iha novembro sira ne’e mais ita la konsege lansa é ohin mak ita iha oportunidade atu lansa tanba planu ne’e mai kedas 2025 ita hadi’a mak ohin foin lansa ne’e” dehan MTK Miguel Marques Gonçalves Manetelu, hafoin lansamentu iha salaun multi funsaun GMN Bebora, (01/06).
Nia dehan tan, plataforma ne’e rasik sei aplika uluk bá karta kondusaun, nune’e karta kondusaun refere sei uza kode QR nune’e bele asegura dokumentus nia orijinalidade no mós seguransa, tanba dalaruma ema ne’ebé kaer karta kondusaun ne’e bele falsu nune’e liuhusi plataforma verify.gov.tl bele identifika kartaun kondusaun refere tan nee bá oin sei fó sai bá públiku atu nune’e karta kondusaun sira bele troka hotu bá kode QR nune’e sidadaun hotu bele asesu bá karta kondusaun refere.
“ohin loron ho artificial Intelligence ema bele iha karta kondusaun ne’e bele tau ita-boot nia oin mais informasaun iha laran ne’e la’os ita-boot nian ne’ebe ema bele falsifika dokumentus sira ne’e, ida ne’e atu asegura katak ema ne’ebé kaer dokumentus ne’e nain duni bá dokumentus ne’e” nia hatután
Fatin hanesan, Minister of Post Telecommunication Cambodia Chea Vandeth hateten lansamentu bá plataforma verify.gov.tl ne’e úniku tebes, servisu hamutuk entre ekipa tékniku husi Kamboja no Timor-Leste, nune’e plataforma ida ne’e sei rai dadus partense bá Ministru Transporte no Komunikasaun depois dadus hirak ne’e mós partense bá ema individu nian.
“Plataforma blockchain ida ne’e útil tebes atu garante katak dokumentu hotu-hotu autentiku no fiavel, plataforma ida ne’e hetan ona rekoñesementu husi Ministru Dijitál ASEAN no hetan prémiu ouro Golden Award, agora plataforma ida ne’e mós rekoñesidu ona iha nivél mundiál” konklui Minister of Post Telecommunication Cambodia Chea Vandeth.
