Reportazen Francisco JDA
Asosisaun Tane Consumidor (ATC) liu hosi konferensia imprensa hodi hatoo situasaun konaba surtu moras Covid-19 no estadu emerjensia, atuhare ba folin mina rai.
Prezidente Tane Consumidor, Antonio Ramo ba jornalista sira hateten hosi situasaun rua ne’ebé provoka krizee global mak Covid-19 no folin mina ne’ebé monu iha merkadu Internasional no iha rai barak hatun folin mina rai, tanba fo impaktu ba rendimentu transportes públiku sira.
“Iha semana kotuk Lloron 15 folin mina iha estasaun Dili laran, kuaze la reflete ba krize, ida ne’e signifika kompania sira mantein presu normal, enkuantu iha situasaun la normál estadu de emergencia, husu ba operador ekonómiku konsiente ba situasaun ida ne’e, husu mós ba governu ho pakote ne’ebé fo, presiza hare mós ba seitor ida ne’e, husu mós ba Autoridade Nasionál Petroleo Minerais ( ANPM) nia mak reprezenta estadu no governu atu regulariza ba fiskaliza ba atividade ekonómiku down Stream, bele hola medida ruma kona ba ida nee”, tenik Presidente Asosiasaun Tane Komsumidor iha, Vila Verde, 11/05
Antonio Ramos hatutan hosi situasaun estadu emergencia ne’e fulan ida too fulan rua de’it se kompania ne’ebé hare ba mina rai nian mantein folin normal, prejudika ba mobilidade no mós ba konsumidor sira tanba prátika presu la kondis ho populasaun iha rai ne’e infrenta no mós mundo tomak infrenta.
