Reportazen Francisco JDA
Profesores nain 15 hosi Eskola Sekundaria Geral (ESG), Dom Carlos Ximenes Belo Baucau, ohin halao reunion ho Presidente Parlamentu Nasional (PPN), Aniceto Guterres no Komisaun G, Antonio Verdial hodi koalia kona ba professors sira hosi eskola refere, ne’ebe hanorin ona durante tinan hitu, maibe la iha salariu no liu hosi Ministeriu Edukasaun seidauk toma atensaun ba problema ne’e.
Koordenador Eskola Sekundaria Geral Dom Carlos X. Bello, Carlos Ximenes Fillipe ba jornalista sira informa katak, professores nain 15 iha problema nia laran, tanba eskola estadu rekoinese ona, maibe profesores mak estadu seidauk rekoinese durante tinan hitu, maske Ministeriu Edukasaun, Juventude no Desporto (MEJD) promete ona dala rua to’o tolu maibe la iha rezultadu.
Nia informa katak iha loron 26 Septembru 2016 MEJD orienta profesore sira ba infordepe no prezensa reverendissimo Amo Dom Carlos Fillipe X. Bello, profesores mai hotu, promete ba ami dehan assina kontratu maibe realidade la assina kontratu no ami fila fali.
“Iha 15 de Jullu Ministeriu Edukasaun fo orientasaun ba ami dehan professor sira loke konta bankaria, dehan katak atu assina kontratu maibe realidade la assina, ekipa reverifikasaun Ministeriu Edukasaun iha loron 6 Agostu to’o duni ami nia eskola dehan katak, imi profesores 15 ne’e priense ona rekejitus atu assina kontratu, maibe to’o fin iha Dezembru 2019, ami nia maluk la assina, tanba lista municipiu Baucau ne’e professores ne’ebe tama lista defenitivu 29 pessoas no ema nain 14 mak assina no nain 15 la assina”, dehan Koordenador Eskola Geral Dom Carlos Ximenes Belo, Carlos Ximenes Filipe hafoin hasoru malu ho PPN Anicetu Guterres Iha Parlamentu Nasional, 18/09
Kordenador ne’e hateten lolos ne’e Diretor Edukasaun municipiu Baucau labele foti dezisaun ba profesores nain 14 atu assina kontratu, tanba ne’e mak ohin rekomenda ba PPN atu identifika problema, tanba sa professores nain15 mak sai vitima ba governu.
Nia ne’e dehan durante tinan hitu profesor nain 15 la simu salariu, hosi 2014 to’o agora maske kestaun ne’e hatoo ona ba Ministra Edukasaun, Dulce de Jesus iha momentu ne’eba no la iha solusaun refere.
Iha Fatin hanesan Depuatdu Komisaun G Asuntu Edukasaun, Juventude Cultura no Sidadania, Antonio Verdial ba jornalista sira hateten, preokupasaun sira ne’ebe mai hosi profesores sira, laos foin akontese, prekupasaun ne’e lao kleur los ona, Parlament Nasiona labele ultrapassa governu ka executivu nia servisu, maibe Parlamentu iha dever toma atu hatutan profesores sira nia halerik ba MEJD atu trata asuntu refere iha tempu badak.
