Reportazen Francisco JDA
Relasiona ho debate Orsamentu Jerál Estadu 2021 (OJE) ho orsamentu biliaun $1.895, liu hosi konferensia imprensa Core Group Transparency (CGT) hatama ona submisaun ba Komisaun C Parlamentu Nasional (PN), bazeia ba monitorizasaun despeza estadu kada tinan, ne’ebe kuaze orsamentu boot fasilita no habokur deit mákina estadu, liu-liu sub-programa sira ne’ebe la nesesáriu, hodi aloka orsamentu ho valor boot hanesan kuaze 28% hosi tokon $421 atu fasilita operasionál no profesional serbisu ka asesór, orsamentu trimestrál foin atingi 35%, nune’e husu governu atu reduz fasilita ai-han ba governu, nune’e bele iha sustentabilidade ba fundu minarai.
Peskizadór CGT, Jonathan Gonsalvez iha aprezentaun liu hosi media briefing aprezenta katak, bazea ba monitorizasaun ba seitor saude no edukasaun, hatudu katak fasilidade saúde hosi municipiu to’o suku iha problema boot tanba fasilidade menus, la iha rekursu atu halo atendimentu ba pasiente sira no fasilidade seitor edukasaun kontinua sai kestaun tinan ba tinan.
“Fasilidade saúde hosi municipiu to’o nivel suku sei iha problema hosi pesoál saúde, sei menus fasilidade hodi halo atendimentu ba pasiente. Kazu konkretu pasiente gravida utuliza mikrolet hosi postu Qelikai hodi transfere ba ospital Baucau, nune’e mos moras TBC kada tinan sae, seitor edukasaun hanesan fasilidade, sala de aula, fasilidade hanorin sei kontinua sai kestaun tinan ba tinan. Nune’e governu presiza no tenke iha komitmentu hodi investe maximu bele garante rekursu iha futuru”, hatete Peskizador Jonathan Gonsalves iha Salaun FONGTIL, 09/12
Peskizador CGT ne’e realsatan mestri barak voluntario maske tinan 10 resin servi nudár edukadór maibé la iha kontrata. Tenke tau ona importánsia ba seitor produtivu sira ne’e no tenki iha komitmentu aloka orsamentu 25% to’o 30% hodi bele garantia duni sustentabilidade intermu rekursu humanu
“Ami konsidera katak proposta OE 2021 ne’ebe kuaze biliaun rua $1,895 kategoria boot, bazeia ba planu no programa ne’ebe la nesesáriu presiza hasai no reduz orsamentu tanba bazeia ba ezekusaun OJE 2020 foin ezekuta deit 35% iha fim Setembro”, hatete Jonathan Gonsalvez
