Home Notisia FONGTIL Husu Governo Prioritiza Seitor Produtivu, Duke Tau Osan Adisional Ba Ro...

FONGTIL Husu Governo Prioritiza Seitor Produtivu, Duke Tau Osan Adisional Ba Ro Haksolok

382
0
Diretor Executivu FONGTIL, Daniel dos Santos. [Foto: Francisco JDA | 04.09.2020]

Reportazen Francisco JDA

Forum Organizasaun Naun Governamental (FONGTIL) liu hosi konferénsia imprensa hodi  kestiona makas alokasaun orsamentu adisional  $14 miloens ba ro haksolok.

Tuir FONGTIL katak hahalok ne’e hatudu lolos Autoridade Rejiaun Administrativu Espesial Oekusse-Ambeno (RAEOA) halo pratika korupsaun tanba $16 milloens ne’ebe aloka tiha ona maibé to’o agora Ro Haksolok la iha serteza atu mai no tuir informasaun kompanha ne’ebe halo konstrusaun ba Ro refere bankruta.

Tanba ne’e FONGTIL husu reprezentante povu, atu uza kompentesia hodi koa sai tiha orsamentu adisionál $14 miloens hodi aloka fali ba seitor produtivu Agrikultura, Edukasaun, Saude, Bee no Saneamentu.

Diretor Ezecutivu FONGTIL, Daniel dos Santos ba jornalista sira hateten katak, Pandemia COVID-19 afeta tebes ba ekonomia sosial, nune’e la iha prioridade atu resolve Ro Haksolok, nune’e diak liu aloka ba seitor agrikultura hodi hasae produsaun ai-han, tanba maske governu dehan prioridade ba seitor Agrikultura maibé ho deit 2.16%

FONGTIL mos dezafia Comisaun Anti Corupsaun (CAC) no Ministeriu Publiku (MP) atu halo siriedade loke investigasaun ba autór sira ne’ebe involve iha prosesu fo tenderizasaun Ro Haksolok, husu atu governu halo prosesu civil hasoru kompanha ne’ebe halo konstrusaun Ro Haksolok, atu selu indimizasaun ba estadu Timor-Leste.

FONGTIL mos sujere ba governu duke aumenta osan hodi resolve RO Haksolik ne’ebe laiha serteza, diak liu sosa Ro foun ho tender ba kompania sira iha Sudeste Aziatiku, pro ezemplu Ro Nakroman ho deit $ Milloens.

Ho ambitu loron mundial Anti Korupsaun, tuir FONGTIL nia prespektiva katak korupsaun sei buras no nudar ezemplu ne’ebe akontese iha rain rasik  Entertantu komunikadu imprensa ne’ebe Neon Metin asesu hosi bankada partidu CNRT, ne’ebe esplika hosi Presidente bankada CNRT, Duarte Nunes lamenta tebes ho Xefe Governu ne’ebe halo retórika atú promove transparénsia no akuntabilidade, maibé iha pratika hakarak tau osan $16.9 atu selu ba objeitu krime ne’ebe iha hela prosesu investigasaun nia laran no husu mos ba CAC atu halo investigasaun ho justu los los

“Husu ba órgaun justica nian, liuliu Ministeriu Publiku no Komisaun Anti Korupsaun atu halo knaar ho profesional no imparsiál, atu lori justica ne’ebe justu ba ema hotu espesialmente crime finanseira relasiona ho Ro Ahi Haksolok”, hateten Presidente bankada CNRT iha komunikadu imprensa.

Relasiona ho deklrasaun hosi FONGTIL no bankada CNRT, jornalista Neon Metin tenta halo entrevista ho Prezidente Autoridade RAEOA no Zona Espesial Ekonomia Sosial Merkadu (ZEESM), Arsenio Bano via telefone maibe sedauk responde no la klarifika relasiona ho orsamentu adisioal $14 milloens.

Print Friendly, PDF & Email

LEAVE A REPLY

Please enter your comment!
Please enter your name here