Reportazen Santina Lucia da Costa
Xefe Estadu Maior Jeneral F-FDTL, Major Jeneral, Lere Anan Timur halo enkontru regular ho Prezidente Republika, Dr.Francisco Guterres Lu-Olo hodi relata situasaun Forsas Armadas ninian no mós situasaun rai laran.
Hafoin enkontru Major Jeneral, Lere Anan Timur ba jornalista sira informa katak iha enkontru refere koalia konaba dezenvolvimentu forsas armadas ninian, atu dezenu forsas armadas sai profesional presiza kondisaun hanesan rekursus humanus.
“Ita tenki kapasita ita nia rekursus humanus liu-liu a partir ofisias to’o soldadu atu sai militar ida di’ak, kuandu rekursus humanus Ita komesa kapasita ona, presija meius materiais Infraestrutura, lojistika, transporte buat sira ne hotu”, hateten Major Jeneral, Lere Anan Timur iha Palasiu Prezidensial Nicolau-Lobatu, Bairu-Pite, Dili, 10/02.
Lere Anan Timur haktuir iha dezenvolvimentu iha avansus di’ak kona-ba rekursus
humanus ba kapasitas ofisiais sira nian.
“Ita koalia Kona-ba rekursus umanus kestaun planeamentu ba Ita nia rekursus humanus ne’ebe ke Ita iha, por ezemplu, tinan oin ita presija ofisiais Coronel nain hira, Tenente Coronel nain hira, ida ne’e mak dalaruma sai obstakulu no difikuldades”, dehan Lere
