Reportazen David da Costa Gusmao*
Lider nasional Xanana Gusmao hamutuk ho familia matebian halao hela asaun iha isolamentu Vera Cruz Kaikoli nia oin, hodi husu parte saude nian, lori fila matebian ne’ebe diagnostikadu pozitivu COVID-19.
Oan boot hosi matebian Armindo Borges, hosi Municipiu Ainaro, Postu Administrativu Ainaro Suku Manu-tasi, Matebian ho idade 47 ba jornalista sira hateten antes matebian ne’e hakotu nia iss, sei konsege lori bao spital tanba matebian sofre kabun bubu no stroke
“Hau sente triste los tamba hau nia apa moras kabun bubu no stroke fulan 1 ona, horseik moras ne’e ataka makaas hau nia apa, entaun iha oras tuku 6:00 loroaik ami hodi ba ospital nasional to’o iha ospital tuku 7:00 kalan, no sira halo kedas teste swab ba hau nia apa, no liu tiha minutu 15 hanesan ne’e sira informa fali katak hau nia pae pozitivu COVID-19, no hau nia ama ho alin feto la pozitivu fali,” esplika Raul ba jornalista sira iha isolamentu Vera ruz nia oin, 12/04.
Nia hatutan, nia aman atu hodi ba hakoi iha Metinaru, no la halo tuir kultura hanesan ne’e ami familia la simu ida.
“Hau nia aman atu hodi ba hakoi iha Metinaro hanesan animal ne’e ami familia la simu, depois dehan ba hakoi iha Metinaro ne’e familia ida deit mak ba asiste, ida ne’e ami la simu,” nia informa
Nune’e nia salienta tan katak, nia aman mak kolen sira husi kiik too boot, maibe to ikus nia hakotu iis, ne’e nudar oan mane boot senti laran moras no lakohi nia aman atu hodi ba hakoi iha Metinaro
“Hau la aseita hau nia aman, atu ba hakoi iha Metinaro tamba hau nia aman laos moras COVID-19, se hau nia aman mak moras COVID-19 karik ami foti liman, maibe hau nia aman ne’e tuir lolos ne’e hakotu iis ona iha uma, tamba nia iis ne’e iha hirus matan deit ona mak hodi ba ospital ne’e,” hatutan nia
Iha fatin hanesan, lider nasional Xanana Gusmão mos la simu katak matebian ne’e mate tamba COVID-19, no lakohi hodi ba hakoi iha Metinaru
“Hau sei hein iha ne’e, matebian ne’e la hodi ba hakoi iha Metinaro, se imi mak hodi nia ba hakoi iha Metinaro, Ami sei ba ke’e fali mate isin ne’e hodi ba hakoi fali iha Ainaro,” dehan Xanana.
*(David da Costa Gusmo nudar estudante UNTL ne’ebe halo estajiu iha Neon Metin)
