Reportajen Jhoe Exposto
Prosesu julgamentu ba kazu pedofilia kontinua rona sasin sira husi parte arguido. Liuhusi observasaun jornalista nian iha terenu iha loron 27 Setembru iha Tribunal Distrital Oe-cusse (TDO), nota katak iha oras tuku 09:00, sasin hamutuk 15 to’o iha Tribunal no liu minutu balun sasin sira hahu tama ba sala julgamentu
TDO kontinua rona deklarasaun husi sasin sira husi Arguido RD ba kazu pedofilia ne’ebe deskonfia komete husi eis padre RD iha orfanatu Topu Honis suku Costa sub rejiaun Pante Makasar.
Molok prosesu julgamentu hahú lider Xanana Gusmao hakat ba sala julgamentu, hodi observa liu de’it no kontinua sai fali hein iha liur, maibé liu de’it minutu balun Xanana Gusmao fila husi tribunal no ba deskansa iha hotel Gratidao Oebau.
Durante prosesu julgamentu ba kazu Topu Honis Xanana Gusmao, Padre Herminio, labarik orfanatu Topu Honis mais menus 100 resin inklui inan aman sira marka prezensa iha tribunal.
Nune’e eis padre RD hetan seguransa másimu husi Komandante Polisia Nasional Timor-Leste (PNTL) Rejional Administrativa Especial Oe-cusse Ambeno (RAEOA).
