Reportajen Joselina dos Santos
Instituto Siénsia Relijiosas “São Tomás de Aquino” (ICR) hamutuk ema nain 80 ohin simu graduasaun ba Oitavo Turno (VIII), kompostu husi Programa Lisensiatura no Baiserlato Formação Professores Moral e Religião Catolica.
Reitor Instituto Siénsias Religiosas (ICR), Crisostomo I. Salar hateten ohin loron graduasaun ba estudante finalista hamutuk ema nain 80 ba tinan rua nian, tanba iha tinan kotuk la hala’o atividade tanba ho situasaun Pandemia Covid-19 nia laran.
Nia dehan estudante sira ne’e nia kompozisaun hamutuk tinan rua nian, ne’e mak ohin loron graduasaun ona finalista ne’e husi fakuldade rua fakuldade Servisu Sosiál no Formasaun Professors Moral i Religião Catolica nian.
“Estudante iha fakuldade rua ne’e iha Servisu Sosiál hamutuk ema nain 17 no formasaun religião ne’e hamutuk 63, ami iha ICR sira ne’e hetan ona servisu liu-liu ba sira ne’ebe formasaun professor ninian, antes atu ba gradaunsaun dala barak balun servisu ona. Tanba ne’e ha’u hanoin katak iha eskola kona-ba religaun moral ninian mak barak maibe balun deit, depos de graduasaun mak sira hetan servisu maibe 100% kuaze husi formasaun Professores nian,” dehan Reitór ICR hafoin remata serimónia Graduasaun iha salaun São José Katedrál, 30/09.
Iha fatin hanesan reprezentante estudante finalista ICR, Manuel de Jesus Tavares sente orgullu tebes tanba ohin loron bele finaliza nia estudu iha ICR, maske husi familia ne’ebe simples no iha momentu prosesu aprendizajen nia laran ne’e, nia hasoru dezafius ne’ebé oin-oin.
