Home Uncategorized Selebra Loron Bot, PNTL ho F-FDTL Sei Halo Operasaun Hasoru GAM ho...

Selebra Loron Bot, PNTL ho F-FDTL Sei Halo Operasaun Hasoru GAM ho GAR

30
0
Komandante Jeral PNTL, Faustino da Costa (Foto: YouTube)

Reportajen Santina da Costa

Polisia Nasional de Timor-Leste ho Falintil-FDTL halo konferensia imprensa iha Komandu PNTL iha loron segunda-feira 05/08/2019, iha  konferensia imprensa ne’e koalia kona-ba instituisaun rua ne’e servisu hamutuk hodi halo operasaun hasoru Grupu Arte Marsial (GAM)  no Grupo Arte Ritual (GAR) iha territoriu laran tomak.

Tuir Komisariu PNTL, Faustino da Costa katak, ohin nu’udar loron dahuluk instituisaun defeza seguransa hamutuk hodi fó informasaun liga ba situasaun aktual rai laran, no mós preparasaun servisu konjuntu entre PNTL ho F-FDTL atu asegura no atividades no eventus mak hanesan Selebrasaun Loron Konsulta Popula,r loron 30 fulan Agustu, no mós loron INTERFET tama iha Timor, ne’ebé ita sei selebra iha tempu badak nia laran ba tinan rua-nulu (20) ninian.

Komisariu mos dehan, nu’udar ita hotu-hotu hatene no akompanha iha ikus-ikus ne’e mosu iha fatin-fatin akontesimentu barak tantu iha rai laran, no mós liga ba grupus arte marsiais hanesan mós arte rituais, ne’ebé akontese mós iha rai liur involve sidadaun Timoroan. Regime juridiku ne’ebé relasaun pratika de arte marsiais arte rituais armas branka no rama ambon ne’ebé hakerek iha lei nú. 5/2017 regula ezersijiu no hala’o arte marsiais iha fatin sira ne’ebé halo krime kondutas ne’ebé viola regras tuir lei.

“Polisia Nasional Timor-Leste dedika-an tomak hametin no kumpri orden ne’ebé fó ba ami prinsipalmente iha tempu ida ne’e, ne’ebé ita prepara hela atu hala’o Selebrasaun Nasional loron 30 fulan Agustu 2019 ninian, ho ida ne’e forma ona operasaun korelada ida entre F-FDTL no PNTL atu hametin ambiente ida ne’ebé dame no hakmatek iha teritoriu tomak ho atensaun espesial ida ba grupus ilegais arte marsiais nian prinsipalmente hanesan arte marsiais arte rituais ne’ebé lei nú. 5/2017 bandu. Nune’e iha situasaun ida ne’e sita mós atensaun katak laiha toleransia ka zero toleransia,” dehan komisariu PNTL Faustino Da Costa iha konferensia imprensa.

Iha eventu hanesan, Xefe Estadu Maijor Jeneral F-FDTL Lere Anan Timur hato’o katak, ida ne’e primeira konferensia nia halo ho komandante jeral foun iha Quartel Jeral PNTL ninian sira nia diretiva konjuntu ida ne’e, diretiva konjuntu atu halo operasaun kordenada entre instituisaun rua ne’e defeza I seguransa ninian.

“Objetivu mak prevensaun ireprevensaun ba kualker krime organizadu, liuliu arte marsiais ohin loron ita dehan katak naran boot iha Timor mais ita hare’e arte marsiais ita nia governu taka ona maibé ita bolu nafatin arte marsiais mais hau bolu hanesan krime organizadu. Ami nia planu diretiva konjunta ida ne’e atu asegura ita nia dias nasionais loron istoriku sira ne’ebé iha ita nia oin 30 de Agustu 2019 ita referendu 20 de setembru 20 anos prezensa forsa de nasional no internasional ita nia rai laran . Primeiru hau husu ba timoroan hotu-hotu pntl ninia misaun atu garante estabilidade nasional planu internu I lei mós fó dalan atu forsa defeza timor-leste nu’udar forsas armada nasaun ida ninian iha misaun defeza externa ne’ebé lei fó dalan atu bele kopera iha area seguransa interna ninian,” dehan Xefe Estadu Maijor Jeneral.

Lere hatutan dehan  sensajen kona-ba ida ne’e ami hato’o beibeik ona ami iha ne’e laos atu reprime de’it mas ami mós prevene, prevensaun signifika katak buka formas hotu-hotu através de media atraves de kontaktus iha sukus iha aldeias atu halo oinsa ita nia rai ne’e bele estabil, ita hotu-hotu hatene katak só estabilidade iha mak dezenvolvimentu iha estabilidade laiha dezenvolvimentu laiha, dezenvolvimentu kresimentu ekonomiku determinante ba povu ida ne’e moris diak hamoris demokrasia hamoris liberdade ema moris iha kiak mukit nia laran mós demokrasia la folin loron kalan mak deskontatementu iha i liuliu ba timor nian agora.

Xefe Estadu F-FDTL mós Apela ba orgaun soberanu sira hotu-hotu liliu tribunal justisa atu koopera ho intituisaun rua ne’e la’os kaer lei ba fasilita balun I kondena balun, para ke ohin loron balun justisa barak ema ne’ebé komete krime boot dalaruma ita haluha tiha ema ne’ebé komete krime ki’ik ita kondena ida ne’e hatauk ema politiku, ne’e laos politiku, politiku ne’e estabilidade nasional politiku halo oinsa para halo ita nia povu hakmatek bele moris iha dezenvolvimentu nia laran.

Konferensia imprensa ne’e mós hetan partisipasaun husi  Xefe Inspesaun Jeral F-FDTL Briagadeiru Jeneral Maunana, Segundu Komandante Jeral PNTL, Komisariu Polisia Mateus Fernandes, Ofisiais F-FDTL ho PNTL sira.

LEAVE A REPLY

Please enter your comment!
Please enter your name here