Home Notisia Soe Bebe, Komisariu PNTL Faustino Sei Buka Tuir Ator

Soe Bebe, Komisariu PNTL Faustino Sei Buka Tuir Ator

87
0
Bebe abandonadu (Foto:iol.co.za)

Reportajen Santina da Costa

Relasiona ho kazu soe bebe, Komandante Jeral PNTL, Faustino da Costa, liu hosi komferensia imprensa konjunta ho F-FDTL, horiseik (5/08), hatete katak, sei buka tuir ator sira ne’ebe halo ida ne’e.

Faustino Da Costa hateten tan katak, situasaun ne’ebé ikus-ikus ne’e, mosu indika mós katak iha parte fatin barak iha kazu krimi seluk ne’ebé akontese iha ita nia inan no inan feton sira komesa soe bebe iha fatin-fatin balun konsege salva no balun la konsege salva, aproveita oportunidade ida ne’e atu hato’o ba inan-aman sira joven sira tantu feto no mane hahalok soe bebe hahalok ne’ebé oho bebe hahalok ida ne’e la refleta kultura timor ninian.

Nia dehan, Kona-ba akontesimentu ne’ebé liu ona polisia nasional sei nafatin esforsu ida atu buka tuir autór inan ida ne’ebé soe bebe maibé se hamutuk ho inan ida ne’e ho feton ida ne’e ikus mai laiha responsabilidade hodi husi oho ema inosente anju oan sira ne’e.

Komisaria Dereitu Labarik nian, Dinorah Granadeiro hatete liu hosi TVTL loron hirak liu ba katak aktu ne’e responsabilidadde estadu nian tanba haktuir ona iha Konstituisaun RDTL, artigu 18. Komisaria ne’e husu atu konsidera fatores oin-oin mak kontribui ba hahalok ida ne’e.

Ativista dereitus umanus, Tadeu Araujo, dehan katak polisia la seriu no la iha kapasidade haree ba asuntu ne’e. To’o agora seidauk iha ema ida mak hetan kaer tanba soe bebe. Sira kaer ema maibe laos mai hosi rezultadu otopsi ba bebe mak hetan soe, maibe hosi informasaun komunidade nian. Bebe mak mate ona sira husik deit, sira la konsidera kazu ne’e nudar kazu seriu.

Publik kontinua kondena hahalok soe bebe no dala barak liu fo sala ba feto, ka familia. Observasaun Neon Metin nian haree katak estadu tenke asumi responsabilidade hodi tau matan ba asuntu ne’e ho seriu.

LEAVE A REPLY

Please enter your comment!
Please enter your name here