Home Notisia Ponte 4 miloens, Tau Naran B. J. Habibie

Ponte 4 miloens, Tau Naran B. J. Habibie

151
0
Ponte B.J. Habiebie (Foto: Santina L. da Costa)

Reportajen Santina L. da Costa

Maski iha protesta barak iha publik kona ba tau naran ba ponte Bidau Santana nian, Ponte ne’e inagura ona horiseik (29/08). Ponte B.J Habibie Bidau Santana, inagura husi eis-prezidente Republika Demokratika De Timor-Leste Dr. Jose Ramos Horta, iha Bidau Santana Postu Administrativu Kristu Rei.

“Inagurasaun ponte ida ne’e ho Prezidente B.J Habibi nia naran. Maun boot Xanana nia vizaun, nia folojofia atu lori dala ida tan ba povu Timor-Leste nia matenek. Wainhira referendu liu tiha ita hetan independensia timoroan sira fó liman ba malu. Ita lahaluha terus iha kotuk, barak vitima iha kotuk maibé justisa ne’ebé boot liu, justisa ida ke liberdade independensia ba timor-leste”, dehan Ramos Horta.

Horta mos dehan, Presidente B. J. Habibie nia kontribuisaun boot teb-tebes tanba se nia momentu ne’eba la halo desizaun atu ba oin referendu, se nia la halo desizaun para simu forsa internasional mai iha ne’e, laiha forsa iha mundu bele militarmente infrenta Indonesia tanba sistema internasional la funsiona ona, atu tama tenki iha konkordansia husi poder ida Indonesia.

Eis-prezudente RDTL Ramos Horta hateten, Ita halo monumentu ne’e, ponte ho jardin ida ne’e Tau nia naran ne’e para povu timor labarik joven sira mai iha ne’e fatin ida di’ak tan, halo reuniaun enkontru iha ne’e.

Jose Ramos Horta fó parabens ba maun boot Xanana nia hanoin, maun boot iha razaun nia hatudu dala ida tan Timor nia karakter iha mundu ne’e, laiha rai ida halo nune’e. Entaun Indonesia sai sensibilizadu tebes no ita nia relasaun sei metin liu tan, tanba uluk iha tinan kotuk Indonesia ita nia vizinhos , ohin ita nia vizinhos aban ita nia vizinhos to’o rai naben.

Entretantu, Reprezentante prezidente Jokowi Widodo, Ministru Obras públika no Abitasaun Indonezia nian,  Mohamad Basoeki Hadimoeljono hateten, Prezidente RI sente previlejiu ho estadu Timor-Leste tanba deside tau naran  Baharudin Jusuf Habibie ba ponte iha area Bidau Santana, Postu Administrativu Cristu Rei Munisipio Dili.

“Prezidente sente kontente tebes hodi orienta hau reprezenta mai inagura ponte ida ne’e no komemora loron konsulta popular Timor-Leste nian, ami sente ida ne’e previlejiu boot ida ba estadu Indonezia, no ohin mai ami hamutuk ho Dr. Jose Ramos Horta, reprezentante ONU Ian Martin, hodi inagura ponte ne’e”, dehan Ministru Obras públika no Abitasaun Indonezia  Mochamad Basoeki Hadimoeljono iha nia diskursu.

Nia dehan, prezidente RI la marka prezensa iha serimonia ne’e tanba foka hela problema estadu nian. Maske la marka prezensa maibé Jokowi Widodo konkratula povu no estadu timor-leste selebra aniversario referendu. Reprezentante haktuir prezidente Republika Indonezia Jokowi Widodo nia mensajen katak hakarak atu hametin liu tan kooperasaun iha setór ekonomia, edukasaun, defeza no seguransa, liu-liu iha area fronteira nian.

Tuir Ministru Obras Publika (MOP), Salvador Eugenio Soares dos Reis Pires hateten, osan ne’ebé gasta ba ponte ne’e hamutuk $ 3.9 miloens ponte ne’e nia luan 10.5 metrus nia naruk hamutuk total 78 metrus ne’e ba ponte rua ne’e ida 18 ida 60 metrus ne’e nak hanutuk 78 metrus, ponte ne’e halo kuaze tinan rua husi kompanhia Faria Timor hahu iha 2017.

LEAVE A REPLY

Please enter your comment!
Please enter your name here