Home Notisia Presidente Lu-OLo: RENETIL ho FLECLETIL transfere ita nia luta ba Indonesia

Presidente Lu-OLo: RENETIL ho FLECLETIL transfere ita nia luta ba Indonesia

353
0
Saudoso Lasama ho Bandeira RENETIL (foto: RENETIL)

Presidente da Repulika Demokratika Timor-Leste, Fransisco Guterres Lu-Olo, iha ninia diskursu horiseik (30/08) fo liafuan espesial ba organizasaun rezistensia rua, RENETIL ho FLECLETIL, mak transfere luta iha rai laran ba rai liur, Indonesia. Liafuan espesial ne’e hato’o iha okaziaun selebrasaun tinan 20, Loron Konsulta Popular, ne’ebe monu iha 30 de Agustu.

“Iha ne’e,  ha’u tenke fó liafuan espesiál ida ba ita-nia joven sira ne’ebé,  ho matenek no aten-barani, transfere ita-nia luta ba Indonézia no loke frente ida tan, bainhira sira harii RENETIL, ho lideransa husi saudozu Fernando Lasama de Araújo, FLECLETIL,  no organizasaun sira seluk ne’ebé moris iha Indonézia”, hatete Prezidente Lu-Olo iha ninia diskursu.

Audiensia ne’ebe rona diskursu Presidente Lu-Olo nia diskursu fo basa liman maka’as nudar urgulho ba Presidente nia liafuan.

Membru organizasaun rezistensia AST (Brigada Negra), FLECLETIL, bainhira rona tiha diskursu ne’e hatete ninia sientementu urgulhu.

“Ba hau maski Presidente la temi dereitamente AST, tanba espiritu AST nian mai hosi FLECLETIL. Hau urgulho tamba temi ona FLECLETIL, nudar organizasaun ida hamutuk ho RENETIL halo luta iha Indonesia”, Efrem dos Anjos hato’o.

Presidente Lu-Olo mos temi organizasaun sira hotu-hotu mak partisipa iha iha luta ba ukun rasik an. Presidente mos agradese ba organizasaun solidariedade internasional mak fo ona sira nia kontribuisaun ba luta ukun rasik an nian.

 

LEAVE A REPLY

Please enter your comment!
Please enter your name here