Home Notisia CO25 Realiza Konferensia Hodi Introduz Konaba Peskiza Istoria

CO25 Realiza Konferensia Hodi Introduz Konaba Peskiza Istoria

289
0
Xefe Estado Maior Jeneral FFDTL Lere Anan Timur hamutuk CO25 lansa konferensia I iha CCD. [Foto: Francisco Jose De Almeida | 07.11.2019]

Reportazen Francisco Jose De Almeida

Comité Orientador 25 (CO25) harii bazeia ba resolusaun governo No.1/2017, 9 janeiro 2017 mandatu mak peskiza no hakerek livro luta frente urbana, frente klandestina particular, liu -liu envolvimentu foin sae no estudante sira nia iha luta libertasaun nasional povo maubere.

CO25 halao konferensia nacional ba dala uluk ho tema “Os Factos da Historia Consolidam a Memoria e germinam Nova Consciencia” ho obejtivo atu introduz komite ba publiku existencia komite nian no servisu ne’ebe mak komite halo liu-liu ba peskiza historia. Loron Quinta,7/11/19

Liu hosi konferensia refere, Presidente CO25, Constancio Pinto iha intervensaun hateten, simu kna’ar husi VI Governo, atu bele halo peskiza no hakerek historia kona ba luta rai ida ne’e nian, atu mos sosializa paradigma ida ne’ebe mak komite adopta nia humanismo, hodi sai hanesan guia ida ba peskiza historika ba ita nia luta ukun rasik an nian.

Constancio salienta liu tan katak, historia ne’ebe komite peskiza hare ba organizasaun hotu-hotu nune’e mos ba hoistoria geral nasaun ida ne’e nian.

“Ami halo peskiza hare katak iha nesesidade duni para atu hakerek historia geral, ida ne’e mos buat ne’ebe mak ita nia maun boot Kayrala Xanana Gusmao bainhira halo lansamentu ba komite orientador 25 dezafia komite atu bele hare historia ida ne’e ba hotu-hotu”, hateten Constancio, 07/11.

Sorin seluk Vitima 12 Novembro Emilio Amaral sente kontente, tanba bele partisipa konferencia ida ne’e, hodi bele divulga ba juventude sira kona ba lalaok história, ba luta rai ida ne’e nian no nia husu ba jovens sira hotu, atu prepara an lori no servi ba rai ida ne’e

“Hau hanoin hau nia sentimentu nuudar vitima 12 Novembro haksolok tebes, maske iha momentu ne’eba joventude barak fo an ba rai ida ne’e, maibe ohin loron governo hanoin ona atu fo loron ida ne’e ba loron nasional, liu-liu ba joven sira, lalika hanoin tan atu baku malu, tuda malu, oho malu maibe hakmatek estuda buka kursu barak, atu nune’e bele servi ba rai da ne’e ho diak”, hateten Emilio

Emilio ho esperanca boot katak joventude nasaun ida ne’e nian, bele sai diak sei hamutuk unido nafati, atu lori no hadia rai ida ne’e diak liu tan.

Editor Zevonia Vieira

LEAVE A REPLY

Please enter your comment!
Please enter your name here