Home Notisia Asesu Bee Moos Iha Dili Total 14.300, Instala Metro Kontador Total 8000,...

Asesu Bee Moos Iha Dili Total 14.300, Instala Metro Kontador Total 8000, Hahu Selu Reseita Total 6000

556
0
Direitor Jeral Bee no Saneamentu, Gutavo da Cruz . [Foto: Francisco JDA | 15.01.2020]

Reportazen Francisco JDA

Be’e moos sai nesisidade fundamental, bee maka fo moris ba ema, tuir konvensaun Direitos Humanus mos hateten, ema hotu iha direitu atu asesu ba bee moos, bainhira ema ida la asesu ba bee moos signifka povo nia moris sei mukit no viola ona povo nia direitu atu moris dignu.

Direitor Jeral Bee no Saneamentu, Gutavo da Cruz hateten too ohin loron konsumidores asesu ba bee moos iha sidade Dili hamutuk 14.300, maibe sira ne’ebe instala ona kontador bee hamutuk 8000 resin no 6000 hahu selu ona reseitas ba estadu.

“8000 mill ne’e instala kleur ona, ami nia ekipa task force agora halo hela melhoramentu tama sai hela iha bairo sira, espera katak melhoramentu ne lao nafatin bele atinji too ultimo, maibe ami infrenta hela dezafiu ida mak ekipamentu komesa menus, kanu asesor sira, metro kontador sira iha hela prosesu de kompras, kompania ida esforso hela espera katak tempu besik tama ona, no ne’e ami bele aselera ona”, dehan direitor Gustavo bainhira tuir agenda entrega eqipamentu hosi konpania Crown Unipessoal Lda ba MOP iha Edifisiu Diresaun nasional Peskiza, 14/01.

Direitor ne’e mos haforsa liu tan fonte rua importante ba konsumidor bee moos mak gravitasaun no ida hosi rai okos ne’e.

“Gravitasaun ne’e iha Dili hosi mota haat mota hanesan mota Maloa, mota Belamauk mota hosi Mutudare no Aithan Belar, fontes bee hosi rai okos mak iha 26 furros iha Dili, ita hatene katak komunidade sira fura bee ne’e, tanba sira seidauk asesu ba kanalizasaun publiku, maibe nia kuantidade ne’e kiik, uluk ita iha duvida ho impaktu hosi situasaun iha rai okos, ita iha konsultor ida naran ATT hosi Thailandia halo hela estudu ba bee rai okos no ninia resultadu positivu”, tenik Gutavo.

Orsamentu ba 2020 hosi Diresaun Jeral bee no Saneamentu hamutuk $14.3 milhoens dollar Amerikanu, nune’e osan hirak ne’e sei aloka ba Diresaun Nasional tolu hanesan rekursus bee nian, distribuisaun bee nian no diresaun ba saneamentu baziku

Sorin seluk Direitor Asosiasaun HAK, Manuel Monteiro bainhira dada lia ho jornalista Neon Metin iha loron 5 Outubro 2019, hateten komunidade barak sedauk iha obrigasaun atu kuida instalasaun ne’ebe estadu tau fraku tebes

“Sidadaun nia obrigasaun atu kuida instalasaun ne’ebe estadu halo, fraku tebes tanba bainhira governo harii tiha kanu, komunidade mak ba halo kuak no estraga kanu dada beee tuir sira nia hakarak no bee suli estraga, tanba nee mak halo sidadaun la asesu ba bee moos iha area urbana”, dehan Direitor HAK

LEAVE A REPLY

Please enter your comment!
Please enter your name here