Home Notisia Timoroan Barak Servisu Iha Reinu Unido no Irlandia Norte, Gil: Asumtu Prosesa...

Timoroan Barak Servisu Iha Reinu Unido no Irlandia Norte, Gil: Asumtu Prosesa Pasaporte Sai Prioridade

738
0
Embaixador ba Reinu Unido no Irlandia Norte simu pose hosi Prezidente da Republika. [Foto: Copyright Media PR | 28.01.2020]

Reportazen Francisco JDA 

Timor oan sira ne’ebe ho sira nia esforsu rasik, hodi ba buka moris iha rai liur, liu-liu iha Reinu Unido no Irlandia, nia numeru sempre sae makaas. Relasiona ho timoroan sira ne’ebe mak buka serbisu iha Reinu Unido no Irlandia, Neon Metin dada lia ho Embaixador foun ba Reinu Unido no Irlandia Norte, Gil da Costa konaba prioridade hosi Embaixador nian bainhira hahu servisu iha nasaun refere.

Ba Neon Metin Gil da Costa esplika Timor oan barak iha Irlandia no Reinu Unido kontribui makaas ba ekonomia rai laran nian.

“Nu’udar Embaixador iha obrigasaun ne’ebe boot, hau sei halo oinsa mantein kontaktu ho ita nia maluk Timor oan sira iha United Kindom [UK] ,fasilita sira tuir rekursu ne’ebe misaun iha, satan situasaun ida agora ita lao ho duodecimo ho realistico, katak ita iha limitasoens barak”, tenik Embaixador Gil da Costa.

Embaixador Gil sei tau prioridade ba misaun ne’ebe simu hosi governu, no sei ba to’o iha Irlandia Norte hodi koalia ho diplomata sira. Sei hare mos kestaun pasaporte no sertidaun do nasimentu, Ministeriu Negosiu Estrangeiru no Kooperasaun ho Ministeiru Justisa sei halo esforsu, hodi kordena malu, hodi bele resolve pasaporte no sertidaun nian ne’ebe ba servisu iha Reinu Unido no Irlandia Norte.

Iha tempu hanesan Embaixador/a sira ne’ebe hetan ona pose hosi Prezidente da Republika, Dr. Francisco Guterres Lu Olo, ohin hasoru malu ho eiz Primeiru Ministru, Dr. Mari Alkatiri iha nia gabinete Farol Dili.

Hafoin remata enkontru, Embaixador TL ba Reinu Cambodia, Ermgildo Lopes ba jornalista hateten katak objetivu hosi enkontru ne’e, hodi rona hanoin sira mai hosi eiz Primeiru Ministru Dr. Mari Alkatiri no hanesan lider nasional, konaba oinsa halo kooperasaun bilateral ne’ebe diak, liu-liu iha area ekonomia no industria.

 

 

 

Print Friendly, PDF & Email

LEAVE A REPLY

Please enter your comment!
Please enter your name here