Home Notisia Kontinua Hamosu Konfrontasaun, Meja PPN Rahun, Vice Bankada PLP: Ne’e Krimi Organizadu

Kontinua Hamosu Konfrontasaun, Meja PPN Rahun, Vice Bankada PLP: Ne’e Krimi Organizadu

6578
0
Vice Prezidente Bankada PLP, Francisco Vasconselos. [Foto: Zevonia Vieira | 19.05.2020]

Reportazen Zevonia Vieira

Situasaun iha sala plenaria iha loron daruak loron 19 Maiu  kontinua hamosu konfrontasaun entre membru parlamemtu sira. Situasaun ne’ebe mosu iha dadersan oras tuku 9:00, to’o ikus meja Prezidente Parlamentu Nasional rahun, tanba harahun hosi deputadu balun. Tuir sasin ne’ebe mak hare katak harahun hosi deputadu CNRT Jose Virgilio.

Tuir sasin ne’ebe mak hare katak bainhira Vice Prezidente Parlamentu Nasional, Luis Roberto hakat ba meja Parlamentu Nasional, hodi ba tur iha Prezidente Parlamentu Nasional nia fatin, ho nune’e deputadu Jose Virgilo dudu meja to’o rahun.

Bainhira ida jornalista sira halo entrevista ho Vice Prezidente Bankada PLP, Francisco de Vasconselos hateten situasuan ba loron daruak ne’e hanesan krimi organizadu.

“Parlamentu Nasional nudar reprezentante povu no iha fatin iha ne’ebe ita koalia konaba jogu demokratiku. Ida ne’e ita koalia deit konaba represent povu, demokratikamente maioria no minoria, ida ne’e mak regras. Ita iha Konstituisaun no rejimentu parlamentu maibe realidade deputadu sira hosi CNRT hatudu sira nia bandalizmu, baku rahun sasan sira iha laran ne’e hatudu ezemplu ida la diak”, hateten Francisco 15/09.

Ho akontesementu ida ne’e planu asaun saida mak sei halo? Ba Neon Metin Vice Prezidente Bankada PLP hateten sei lori ba iha Ministeriu Publiku tanba ida ne’e krimi organizadu.

To’o nutisia nee tun Neon Metin sedauk hetan klarafikasuan hosi bankada CNRT konaba akontesementu konaba harahun meja PPN.

LEAVE A REPLY

Please enter your comment!
Please enter your name here