Home Notisia AADTL: V Lejislatura PN Buka Atake Malu Deit, La Debate Povu nia...

AADTL: V Lejislatura PN Buka Atake Malu Deit, La Debate Povu nia Moris

415
0
Prezidente AADTL, Buras Martins. [Foto: Santina Lucia da Costa | 27.07.2020]

Reportazen Santina Lucia da Costa

“Meza Parlamentu Nasional nian ne’ebe mak rahun no iha meza ne’e nia leten maka Membru Asembleia ida-idak ba asina Konstituisaun iha meza ne’e, maibé V lejislatura ne’e tanba diverjensia politika entaun meza ne’e rahun tiha”, Buras Martins

Asosiasaun Antigus Deputadus Timor-Leste (AADTL) hasoru malu ho Prezidente da Republika,  Dr. Francisco Guterres Lu-Olo. Iha enkontru refere AADTL husu ba Prezidente da Republika tau matan ba Eis-membru deputadu sira ne’ebe mak sei moris ka konsidera ruma ba membru sira ne’ebe mak sei iha.

“Ohin ami husi membru Asembleia Konstituente ne’ebe uluk hakerek Konstituisaun, ne’ebe halibur-an iha asosiasaun antigo deputadus, ami mai koalia ho Prezidente da Republika iha pontu rua, mak hanesan koalia kona-ba kestaun ne’ebe liga ho Asembleia Konstituiente, ema membru nain 88, ne’ebe 10 resin mate ona no seluk sei moris”, hateten Prezidente AADTL, Buras Martins ba jornalista sira iha Palasiu Prezidensial, Nicolau Lobato, Aitarak-Laran, loron, 27/7.

Relasiona ho V Lejislatura Parlamentu Nasional ne’ebe hamosu konfrontasaun no harahun meza Prezidente Parlamentu Nasional, ba jornalista sira Prezidente AADTL, Buras Martins hateten meza Parlamentu Nasional nian ne’ebe mak rahun no iha meza ne’e nia leten maka Membru Asembleia ida-idak ba asina Konstituisaun iha meza leten, maibé V lejislatura ne’e tanba diverjensia politika entaun meza ne’e rahun tiha.

Buras mos hateten Deputadu/a V lejislatura, ba tur iha Parlamentu Nasional sira buka atake malu de’it, maibe sira la debate povu nia moris.

“Situasaun ne’e lori triste uituan ba iha povu Timor-Leste tomak, maibe laos problema ne’e, problema iha Parlamentu, Problema husi partidu politiku sira ne’ebe nomeia nia membru sira ba tur iha Parlamentu mak la dun kualidade iha ne’eba mak hodi hamosu situasaun ida ne’e, laos tanba deputadus sira, maibe partidu ida ne’ebe mak haruka ema ba tur mak laharee sasan ho di’ak.” Dehan Buras.

LEAVE A REPLY

Please enter your comment!
Please enter your name here