Home Notisia Prezidente Republika Sei Hatoo Karta Ba PN Hodi Autoriza EE da Dahaat

Prezidente Republika Sei Hatoo Karta Ba PN Hodi Autoriza EE da Dahaat

312
0
Asesor Politika Palasiu Prezidensial, Gregorio de Sousa. [Foto: Santina Lucia da Costa | 05.08.2020]

Reportazen Santina Lucia da Costa

Prezidente Republika, Dr. Francisco Guterres Lu Olo halao enkontru ho membrus Konsellu Superior, Defeza no Seguransa (KSDS) no Konsellu Estadu (KE). Hafoin enkontru ho entre Prezidente da Republika ho membru KSDS no KE, ba jornalista sira Asesor Politika Palasiu Prezidensial, Gregorio de Sousa informa katak Prezidente Republika desidi katak presiza duni deklarasaun Estadu Emerjensia (EE) no sei husu autorizasaun hosi Parlamentu Nasional. Sekarik Parlamentu Nasional aprova pedidu ne’e, Prezidente Repúblika sei deklara Estadu Emerjénsia liuhusi  Dekretu  Prezidensiál.

“Hahu ohin reuniaun Konsellu Superior Defeza no Seguransa (KSDS) ne’ebe Prezidente rona Konselleiru sira, sira manifesta sira nia apoiu ba pedidu governu nian ba Estadu Emerjensia,  depois Konsellu Estadu sira mos manifesta sira nia apoiu ba Prezidente Republika, haruka mensajen  ba Parlamentu Nasional para hala’o Estadu Emerjensia”, hateten Gregorio de Sousa iha palacio prezidensia, 05/08.

Nia realasa liu hosi enkontru refere konseileru sira mos hare kestaun estadu emerjensia ne’e, hodi buka dalan, hodi hare solusaun sira seluk. Lei balun hadia, hodi labele repetetan estadu emerjensia.

Gregorio de Sousa dehas KE ho KSDS manifesta sira nian apoiu katak Covid-19 nudar moras ida ne’ebe afeta ona mai Timor-Leste, tenke halo asaun prevensaun

“Emerjensia ne’e tenki lalais ona, talvez orsida lokraik, se Prezidente Republika desidi, orsida haruka ona ba Parlamentu Nasional, para sira bele konvoka mos sira nia komisaun permanente, entaun konvoka mos sesaun extraordinariu ida, para debate asuntu ida urjente”, akresenta, Gregorio.

Bazeia ba lista prezensa membru  sira ne’ebé hola parte iha Konsellu Superior Defeza no Seguransa mak Prezidente Repúblika, Dr. Francisco Guterres Lú Olo, Primeiru-Ministru no Ministru Interiór Taur Matan Ruak, Ministra Negósius Estranjeirus no Kooperasaun  Maria Adalzija Magno, Ministru Defeza Filomeno Paixão,   Ministru Justisa Manuel Cárceres, Xefe Estadu Maior Jeneral F-FDTL Lere Anan Timur, Komisáriu PNTL Faustino da Costa no Diretór Jerál Servisu Nasionál Intelijénsia Manuel Serrano. Halo mós parte iha Konsellu ne’e,  membru sira nomeadu  husi Parlamentu Nasionál mak Adérito Hugo da Costa, David Dias Ximenes, Abel Pires da Silva. Membru sira nomeadu husi Prezidente Repúblika mak José Manuel Fernandes ‘Nakfilak’ no Cristina da Silva.

Entretantu ba membru  sira ne’ebé halo parte Konsellu Estadu (KE) mak Prezidente Repúblika Francisco Guterres Lú Olo, Eis-Prezidente Repúblika Xanana Gusmão, Eis-Prezidente José Ramos-Horta, Eis-Prezidente Repúblika no atuál Primeiru-Ministru Jeneral Taur Matan Ruak,  Prezidente  Parlamentu  Nasionál  Aniceto  Longuinhos  Guterres Lopes.  Halo parte mós Konsellu ne’e  membru sira nomeadu husi Prezidente Repúblika: Óscar Lima, Alcino de Araújo Barris, Maria Dadi Soares Magno, Laura Soares Abrantes no Faustino da Costa.  Husi Parlamentu Nasionál: Eduardo de Deus ‘Dusae’, Aurora Ximenes, José Cornélio Guterres, Árcangelo de Jesus Gouveia Leite no  José dos Santos ‘Naimori Bucar’.

Iha enkontru refere mos partisipa mos hosi Dr. Rui Araujo, Danina Coelho, nu’udar médiku no mós Daniel dos Santos Carmo nu’udar Diretor Executivo FONGTIL.

Tuir observasaun Neon Metin,  konseileru sira ne’ebe la partisipa iha enkontru mak Cristina da Silva, membru ne’ebe nomeadu husi Prezidente Republika no Eis-Prezidente Repúblika Xanana Gusmão ho eis-Prezidente, Dr. Jose Ramos Horta.

LEAVE A REPLY

Please enter your comment!
Please enter your name here