Home Notisia Diskriminasaun no Stigmasaun Sei Kontinua Hasoru Ema ho Difisiensia

Diskriminasaun no Stigmasaun Sei Kontinua Hasoru Ema ho Difisiensia

1276
0
ADTL ho GIZ sira iha seminariu. [Foto: Santina Lucia da Costa | 11.09.2020]

Reportazen Santina Lucia da Costa

“Tanba sa grupu ne’e vulneravel, tanba sira ne’ebe hotu hasoru diskrimisaun oioin, stigmatizasaun oioin, menus oportunidade ba partisipa iha seitor hotu-hotu no diskriminasaun sira ne’e barak liu mai husi familia, situasaun sira ne’e halo grupu ne’e sai vulneravel liu tan”. Diretor Ezekutivu ADTL

Moris nudar Ema ho Difisiensia (EhD) sei hasou bareira ne’ebe impede sira nia direitu no hamosu diskriminasaun entre ema ho difisiensia no ema la ho difisiensia. Dala barak sei hamosu hanoin negativu katak ema ho difisiensia laiha kapasidade atu lidera ou partisipa iha prosesu dezenvolvimentu, stigmasaun tantu iha familia no sosiadade tanba deit difisiensia fizika no mental.

Evidensia hatudu ona katak, EhD iha taxa vulnerabilidade aas liu, tanba sira menus asesu ba edukasaun formal no vokasional, nune’e hatur sira iha kondisaun pobreza ne’ebe aas liu. Alende ida ne’e feto no labarik feto sira ho kondisaun difisiensia hetan dezafius ne’ebe todan liu tan.

Kooperasaun Alemanha liu husi  Gesellschaft für Internationale Zusammenarbeit (GIZ) iha Timor-Leste kolabora ho Asosiasaun Difisiensia Timor-Leste  (ADTL) organiza seminariu loron ida kona-ba empregu no oportunidade hasae rendimentu ba ema ho difisiensia, oportunidade no dezafius sira ba joven ho difisienia iha Timor-Leste, ne’ebe hala’o iha Maubara Room, Timor-Plaza, Dili. Loron, 11/09.

Liu hosi seminariu konaba neebe halao hosi Kooperasaun Alemanha, Gesellschaft für Internationale Zusammenarbeit (GIZ) iha Timor-Leste kolabora ho Asosiasaun Difisiensia Timor-Leste  (ADTL), iha intervensaun Diretor Ezekutivu ADTL, Cesario da Silva informa katak ita iha dadus hatudu katak, Ema ho Defisiensia (EhD) hamutuk nain 38.118, numeru ne’ebe ita konsidera numeru boot, situasaun saida mak EhD hasoru iha ita nia rai, EhD kategoria grupu ida ne’ebe mais vulneravel, se ita kompara ho grupu sira seluk ne’ebe eziste iha ita nia rain.

“Tanba sa grupu ne’e vulneravel, tanba sira ne’ebe hotu hasoru diskrimisaun oioin, stigmatizasaun oioin, menus oportunidade ba partisipa iha seitor hotu-hotu no diskriminasaun sira ne’e barak liu mai husi familia, situasaun sira ne’e halo grupu ne’e sai vulneravel liu tan, ita koalia kona-ba dezenvolvimentu nasional, ita iha politika nasional ba formasaun protesaun direitus ema ho difisiensia. Politika garante ona ema direitu difisiensia, saida mak ita preokupa, implementasaun politika”, hateten Diretor Ezekutivu ADTL.

Nia dehan ita hotu akompanha politika rai laran, liuliu baze legal sira ba asuntu difisiensia komesa hatur eskritamente iha surat tahan hatudu ona, maibe ninia implementasaun ita sei preokupa.

Nia mos dehan  haree Planu Asaun Nasional (PAN) kona-ba ema ho defisiensia iha tinan 2014-2018, ne’ebe ita hotu akompanha, Ministeriu ida ka rua mak hahu halo serbisu ida ne’e.

”Ita koalia kona-ba oportunidade, liuliu koalia kona-ba empregu, baze ne’e mai husi formasaun sira, koñesimentu ema ho defisiensia sira nian, saida mak ema ho defisiensia hasoru, 25 mil ne’e ema analfabetu, la ba eskola, entaun numeru ida boot ne’e mak sira la asesu ba edukasaun no laiha oportunidade asesu ba edukasaun, situasaun ne’e empregu sai difikulta, oinsa sira bele ba serbisu.” esplika Cesario da Silva.

Nia akresenta ADTL ho nia membrus sira, dadaun ne’e, ema hotu-hotu hahu koalia kona-ba inkluzaun difisiensia, partisipasaun ema ho difisiensia iha setor hotu-hotu, ne’e ita presiza serbisu hamutuk ho Sekretariu Estadu ba Igualdade no Inkluzaun,  halo abordajen iha nivel Ministeriu ne’e maka’as.

Diretor Ezekutivu ADTL, husu Liuliu ba Sekretaria Estadu Formasaun Profissionál no Empregu (SEFOPE), Ministeriu relevante sira hotu no setor privadu sira atu haree no fo oportunidade ba ema ho defisiensia, atu bele serbisu no labele haree de’it fizikamente no kondisaun maibe se bele haree mos sira kapasidade.

Cesario hateten durante ne’e Centru Formasaun Tibar ho Centru Formasaun SENAI Becora mak simu ema ho difisiensia sira, Cesario konfesa katak maibe antes ne’e sira limitadu tanba formador sira laiha konnesementu, oinsa fasilita ema ho difisiensia.

Print Friendly, PDF & Email

LEAVE A REPLY

Please enter your comment!
Please enter your name here