Home Notisia KM Aprova Projeitu Dekretu Lei Ligadu Ho Empregador no Rekuperasaun Ekonomika

KM Aprova Projeitu Dekretu Lei Ligadu Ho Empregador no Rekuperasaun Ekonomika

212
0
Ministru Kordenador Asuntu Ekonomia (MKAE), Joaquim Amaral. [Foto: David da Costa Gusmao | 01.09.2020]

Reportazen Francisco JDA

Governu liu hosi Ministru Koordenador Asuntus Ekonómika (MAKE), Joaquim Amaral aprezenta ona projeitu dekretu lei ne’ebé Konselho Ministru aprova tiha ona, ligadu ho apoio atu rekupera no mantein atividade sira iha ambitu rekuperasaun ekonómika.

Liu hosi komunikadu ne’ebé Neon Metin asesu katak, projeitu lei ne’e ho objetivu atu estabelese apoiu oin rua, ba entidade empregadora sira inklui trabalhador pur konta propriu ne’ebé konsidera nesesariu no adekuadu tebes ba rekuperasaun ekonómika.

“Entidade ne’ebé tama ona iha regime kontributivu seguransa sosial, inskreve tiha ona iha sistema fiskal, hato’o katak sira lakon volume negósiu ka reseita no hakarak atu rekupera fali sira nia operasaun iha direitu ba dispensa parsial ka sorin baluk hosi kontribuisaun mensal ba seguransa sosial no atribuisaun montante pekuniariu mensal, ida ne’ebé hanaran subsidiu apoio atu rekupera ka mantein atividade ekonómika”,hatete Joaquim Amaral Liu hosi Komunikadu Imprensa loron Kuarta,16/09

Entidade empregadora sira tenki tama ona iha seguransa sosial, to’o bainhira diploma tama iha vigór enkuantu emprezariu individual sira, trabalahdores por konta propia no trabalahador domestika sira sei asesu ba apoio ne’e, mesmu foin inskreve bainhira diploma ne’e tama iha vigór no tenki inskreve nafatin iha seguransa sosia,l minimu liu fila tolu hafoin simu apoio ikus liu

“Atu bele simu apoio ne’e, entidade sira iha obrigasaun atu halo nafatin sira nia servisu normál no loke nafatin ba públiku, la inklui benefisiariu ne’ebé hetan impedimemtu atu halo sira nia servisu normál liuliu kompnha aerea no agenjia viagen sira apoio ne’e sei simu fualn fulan durante fulan 4 tuituir hafoin tama iha vigór” sita Joaquim Amaral.

LEAVE A REPLY

Please enter your comment!
Please enter your name here