Home Notisia Kongresu Ba Daruak, Zaulino: APFTL nia Planu Foka Ba Edukasaun Sivika...

Kongresu Ba Daruak, Zaulino: APFTL nia Planu Foka Ba Edukasaun Sivika Ba Jovem

321
0
Prezidente APFTL, Zaulino Gomes da Silva. [Foto: Helena Pereira | 25.09.2020]

Reportazen Helena Pereira

Alumni Parlamentu Foinsa’e Timor-Leste (APFTL) realiza kongresu nasiona ba dala rua ho tema Sobrevivente da Organizasaun de Pratika dos Principios.

Kongresu ne’ebe APFTL organiza ho nia prinsipi atu hametin organizasaun nia vida ba periodu 2020-2025, ne’ebe foka liu oinsa halo revisaun ba estatutu, foti desizaun ba planu estratejia ba tinan lima nian no halo eleisaun ba estrutura foun.

Iha abertura kongresu APFTL, Prezidente APFTL Zaulino Gomes da Silva ba jornalista sira hateten Parlamentu Foinsa’e nudar programa governu nian no bainhira sira nia mandatu hotu, harii fila fali organizasaun ne’ebe hanaran Alumni Parlamentu Foinsa’e.

Nia dehan liu hosi APFTL kontribui ona buat balun ba estadu mak hanesan halo ona konsulta nasional ba politika nasional ne’ebe halo iha tinan 2014, no governu aprova iha tinan 2016.

“Dokumentu ne’e atu dezenha politika ba asuntu joven. Alende ne’e programa oin-oin ne’ebe APFTL ne’ebe foka liu ba edukasaun sivika ne’ebe halo ba joven sira, oinsa sai joven ne’ebe diak hodi prepara sira nia an ba future”, hateten Prezidente APFTL iha salaun Canosiana Becora, 25/09.

Nia mos dehan plane ne’ebe sira sei realiza mak ekipa APFTL sei hanorin jovem sira oinsa ses-an hosi hahalok la diak sira, oinsa joven sira bele koidadu sira nia-an hosi droga no muda jovem sira oinsa hatudu sira nia kreatividade.

*(Helena Pereira nudar estajiadu iha media RENETIL-Neon Metin)

LEAVE A REPLY

Please enter your comment!
Please enter your name here