Home Notisia Negosiante Ambulante 50 Resin Hola Parte Iha Kooperativa, SECOOP: Ema La Duni...

Negosiante Ambulante 50 Resin Hola Parte Iha Kooperativa, SECOOP: Ema La Duni Ona Sira

270
0
Joaninha dos Santo nudar negosiante ambulante. [Foto: Copyright OXFAM-TL | 25.09.2020]

Reportazen David da Costa Gusmao

Sekretaria de Estadu Kooperasaun (SECOOP) sei kria kondisaun ba negosiante anbulante “Tiga roda” ne’ebe faan iha dalan no mos sei azuda ekipamentu ba negosiante sira.

Secretario de Estadu kooperasaun (SECOOP), Elizario Ferreira hateten dadaun ne’e negosiante anbulante “Tigaroda” sira ne’ebe faan iha dalan ninin ema la dun duni ona, tanba halo ona kooperativa  ho SECOOP.

“Ami organiza ona sira ne’ebe ema agora la dun duni ona sira, tanba ami koalia ona ba sira katak sira ne’ebe faan permanente, sira bele ba faan iha merkadu, sira ne’ebe faan iha dalan ninin sira ne’e ami mos kria kondisaun no organiza sira hola parte iha kooperativa ne’ebe halo konkordansia ona ho sira”, informa Elizario ba jornalista sira iha ex Heli port Lanud Bairo Pitte,  sexta-feira 25/09.

Nia hatutan ba oin sira ne’ebe hola parte iha kooperativa, sira bele asesu ba iha kapital no mos asesu ba ekipamentu sira ne’ebe mak sira presiz atu asegura sira ba oin. Ekipamentu atu fo ba sira ne’e, ami mos Haree ba iha lista ne’ebe mai husi kooperativa.

Nia dehan negosiante anbulante sira movel, laos atu idenfika fali fatin ba sira, atu identifika fali fatin ba sira entaun sira ba faan iha merkadu, “sira ne’ebe sei iha dalan ninin, ita sei hadia hamutuk, emprinsipiu ema la duni ona sira, entaun sira faan hanesan fali faan ikan iha dalan sira ne’e”.

Dadaun ne’e SECOOP registu ona negosiante ambulante  hamutuk 400 resin, maibe foin 50 resin mak halo kooperativo, entaun sira seluk ne’e  mai hola parte para kria kondisaun ba sira.

LEAVE A REPLY

Please enter your comment!
Please enter your name here