Home Notisia Feira 28 Novembru, Tulun Grupu Lokal Hetan Rendimentu Diak Hosi Produtu Ne’ebe...

Feira 28 Novembru, Tulun Grupu Lokal Hetan Rendimentu Diak Hosi Produtu Ne’ebe Faan

401
0
jornalista Neon Metin halo entrevista ho grupu lokal iha feira 28 Novembru. [Foto: Francisco JDA | 29.11.2020]

Reportazen Santina Lucia da Costa

Komemorasaun loron proklamasaun independensia Timor-Leste ba dala 45, ne’ebe realiza iha municipiu Liquisa iha tinan 2020, fo oportunidade komunidade Liquisa hodi bele faan sira nia produtu lokal ne’ebe sira rasik produs, iha feira ka expo ne’ebe organiza hosi Ministeriu Estatal. Liu hosi expo iha loron proklamasaun ne’e, komunidade sira hetan netik osan hosi produtu ne’ebe sira faan?

Jornalista Neon Metin hakat ba iha tenda sira ne’ebe faan produto lokal, maske rai rahun sae ho loron ne’ebe tiru makaas, maibe komunidade sira antusias faan sira nia produtu iha loron proklamasaun. Neon Metin hakbesik ba Grupu Moris Mesak ne’ebe faan sira nia produtu ne’ebe rasik produ hanesan bote, pasta, morten, brinkus no selukta. Iha dadalia ho Neon Metin , Xefe Grupu Moris Mesak, Natalia Ramos hateten konaba rendimentu ne’ebe sira hetan, ba Neon Metin Natalia hateten fa’an hahu husi loron primeiru, 22 Novembru to’o 28 Novembru 2020, hetan rendimentu di’ak,  osan ho montante $100 resin.

“Hau senti kontenti tanba ne’e laos bisnis no laos buka juara, komemorasaun 28 Novembru loron Proklamasaun Independensia Timor-Leste nian, mak ami aproveita fa’an. So loron boot hanesan ne’e mak ami hetan rendimentu di’ak, se laos loron boot ami triste, tanba rendimentu laiha, hau kontenti tebes hetan rendimentu di’ak maske la barak ”, hateten Natalia Ramos iha Lauhata-Liquiça, loron, 29/11.

Natalia dehan antes atu produz ho kualidade di’ak, prepara uluk material sira hanesan, akadirihun, tinta no seluk tan, depois loron ida  human, se tuir nia kualidade loron ida  bele homan 2 to’o 3, tuir kualidade ho medida, se karik nia medida boot liu uituan ne’e han tempu uituan, konforme ita nia hakarak ne’ebe presija osan lalais hodi atende ba moris.

Xefe Grupu Moris Mesak involve mos joven sira ne’ebe mak eskola la hotu no balun eskola hotu maibe serbisu laiha, nia bolu joven sira ne’e hodi serbisu hamutuk, atu nune’e sira bele hetan netik osan uituan hodi hola netik sira nia nesesidade

“Hau bolu joven foinsa’e sira ne’ebe eskola la hotu no balun eskola hotu serbisu laiha, sira inklui hotu iha laran atu nune’e, hetan osan lalais liu ba moris, tenki serbisu homan akadiru no produz mama malus fatin, pasta, bote no seluk tan, grupu laran ne’e hamtuk na’in 8 feto 6 no mane rua ”, dehan, xefe Grupu Moris Mesak.

Natalia konfesa katak involve joven sira tanba lalaok moris nian ne’e, presija sira atende ba sira nia moris lor-loron, sira nia presija mos la husu ba inan-aman. Sira nia salariu depende ba sira nia serbisu, se sira la serbisu entaun osan laiha.

Iha fatin hanesan Mercia Madeira Gonçalves, husi Grupu Hakmatek ne’ebe fa’an komesa loron 22 Novembru to’o 28 Novembru 2020,  hetan osan montante $250, senti kontenti tanba ferias hanesan ne’e ema bele hola maka’as, kuandu iha  fatin de’it ema la hola.

“Mama fatin nian nia prosesu semana ida, tanba ami homan tiha hotu mak tau nia kor ba, ami hola akadiru ho tinta, semana ida ami produz rua, han tempu mak tau kor de’it, mama malus nia fatin ida $ 3 dollar, pasta boot $ 8 dollar pasti ki’ik $ dollar. Ami ho grupu, grupu naran moris hakmatek.” tenik Mercia Madeira Gonçalves.

Nia dehan wainhira loron boot hanesan ne’e mai fa’an iha fatin ne’e, senti kontenti tebes tanba ema husi Munisipiu 13 bele mai hotu, “ami lori sasan sira ne’e mai, ami aluga kareta mak lori mai selu $5.00 dollar”.

Mercia husu ba governu karik feria sira hanesan ne’e bele konvida sira mos, eventu sira hanesan ne’e sira prontu tuir iha fatin ne’ebe de’it, atu nune’e bele tulun sira hodi hetan rendimentu no produtu ne’ebe sira produs bele iha folin

Print Friendly, PDF & Email

LEAVE A REPLY

Please enter your comment!
Please enter your name here