Home Notisia CNC Lansa Livru Biografia no Istoria Moris Francisco Xavier Amaral

CNC Lansa Livru Biografia no Istoria Moris Francisco Xavier Amaral

1058
0
lansamentu livru biografia Franciso Xavier. [Foto: Francisco JDA | 30.11.2020]

Reportazen Francisco JDA

Centro Nasional Chega! (CNC) lansa livru biografia istoria moris Francisco Xaveir Amaral nudar primeiru Presidente Republika Democratika Timor-Leste no Presidente Frente Revolusiona Timor-Leste Independensia (FRETILIN), livru ne’e rasik hakerek nain hosi timor oan rasik durante tinan rua nia laran

Diretor Exekutivu CNC, Hugo Maria Fernandes ba jornalista sira hateten livru ida ne’e nudár jestu ida, oinsá Centro Chega! apoiu peskizadór timoroan sira dokumenta no hakerek memória ema timoroan nia partaisipasaun signifikante, livro ne’ebe lansa ohin livru ema ne’ebe proklamador RDTL 1975.

“Livru sira hanesan ne’e kona ba memória no ema ne’ebe importante, klaru hamosu kestaun barak maibé se ita la halo no la publika entaun kestaun sira barak ne’e sei husik deit hanesan ne’e, ita la tenta atu buka resposta, hosi publikasaun perguntas sira ne’e ema fo resposta liu fali peskiza sira seluk no liu fali publikasaun sira seluk, kestaun barak ne’ebe husik durante periodu ukun-an no luta ba ukun-an ne’e bele hetan nia resposta”, hatete Diretor Exekutivu CNC, Hugo Fernandes iha salaun CNC, 30/11.

Nia afirma desde tinan 2018 apoiu peskizadór ba livro ne’ebe hakerek hosi Pe.Martinho Gusmao  kona ba pensamentu Nicolau Lobato nian ne’ebe lansa ona iha tinan 2019, kontinua apoio tradusaun um povu uma patria Kairala Xanana Gusmao nian iha prosesu finalizasaun tinan ida ne’e.

CNC kontinua apoio ba biografia saudozu Vicente Reis “Sahe” hein katak buat hotu lao diak tinan oin sei publika livro hosi saudozu Visenti Reis “ Sahe” intensiva timoroan sira nune’e bele hakerek.

Iha Fatin hanesan hakerek nain livru ne’ebe hanesan mos profesór iha UNTL, Aniceto Guro Berteni Neves bainhira hatán ba Neon Metin, konaba dezafiu akumula dadus sira konaba istoria hosi proklamador nian, ba Neon Metin hakerek nain hatan dezafiu mak sasin barak Francisco Xavier Amaral mate ona no joven sira akompanha nia iha momentu ne’eba, ne’e katak balun deit iha nune bele foti hosi sira.

“Fulan ne’en nia laran hau halo deit identifikasaun ba fontes informasaun fontes ne’ebe mak bele esplika kona ba avo Xavier nia vida moris no tama iha segundu semester, hau halo ona revisaun ba literatura no fontes informasaun hodi identifika lakunas no identifika mos informasaun seluk ne’ebe nesesáriu tenki hetan atu kompleta avo Xavier  nia narativu memória tomak, hahú hosi moris to’o mate entaun hau tenki buka informasaun adisionál”, hatete hakerek nian Livru Biografia istoria moris Francisco Xavier do Amaral.

Entertantu reprezentante Casa Presidensia, ne’ebe lori mensajen Presidente Republika nian,  Zelia Fernandes iha diskursu hateten katak Prezidente Repúblika dala barak hatoo katak  sidadaun tenki estuda barak no buka hatene kona ba istória pasadu

“Hau sempre defende katak konnesimentu klean no lolos kona ba pasadu sei iha impaktu diak ida ba ita nia atitude no hahalok ohin loron nian no liuliu sei loke ita nia neon, hodi hateke ba loron aban bainrua. Ita hotu iha devér preokupa ho ita nia pasadu rasik, bele dignifika patrimóniu extraordinario ne’ebe beila sira husik hela mai ita”, hateten reprezentante Casa Presidensial, Zelia Fernandes. 

Nia hatutan universidade mak fatin lolos halibur hanoin ho mentalidade kritika, hodi dezenvolve kapasidade atu halo konnesimentu no buka investigasaun iha prosesu ida, atu buka hatene ita nia pasadu, tenki estuda klean figura sira, feto no mane ho dalan oinoin kontribui influensia ohin loron nian.

Print Friendly, PDF & Email

LEAVE A REPLY

Please enter your comment!
Please enter your name here