Home Meio Ambiente Alerta La Nina Akontese Hosi Setembru – Marsu 2021, Protesaun Civil Iha...

Alerta La Nina Akontese Hosi Setembru – Marsu 2021, Protesaun Civil Iha Ona Faze Prevensaun

477
0
inundasaun iha Dili ne'ebe akontese iha fulan Marsu 2020. [Foto: Copyright Building Marktes | 04.12.2020]

Reportazen Zevonia Vieira

Relasiona ho Meteorologia Geo Fisika nian analiza ne’ebe karik sei akontese La Nina ka udan boot, jornalista Neon Metin halo konfirmasaun ho parte Protesaun Civil nian, konaba oinsa ho preparasaun Protesaun Civil nian, hodi responde dezastre naturais sira ne’ebe karik akontese? Liu-liu iha situasaun debate Orsamentu Jeral Estadu (OJE) 2021,  ba Neon Metin Diretor hatan katak liu hosi Nasoens Unidas Global Ensue no Meterologia Geo Fisika Timor nian alerta ona katak Timor-Leste mos sai area risku iha sudeste asiatiku ba La Nina.

“Kuandu La Nina akontese sei hamosu inundasaun, rai monu no rai halai. Protesaun Civil halo ona koordenasan ho Diresaun Meterologia no institute geologia no petroleum atu halo asaun prevensaun no alerta ona populasaun katak hahu hosi Setembru 2020 to’o fulan Marsu 2021 sei akontese La Nina”, hateten Agustinho.

Nia hatutan alende halo prevensaun Protesaun Civil serbisu hamutuk Ajensia ONU no Australian Humanitarian Partnership (AHP) halo ona anunsia ka alerta liu hosi publikasaun media sira konaba prevensaun no preparasaun hasoru dezastre naturais.

Diretor Agustinho mos informa katak liu hosi OJE 2020 Protesaun Civil asegura ona $900 mill ba preparasaun hodi asegura ai-han, material konstrusaun no faze preparasaun hodi responde iha emerjensia sekarik akontese La Nina no fo impaktu ba komunidade sira, liu-liu ba ema ho difisiensia sira.  

Iha tempu hanesan konaba dezastre naturais ka tufão hosi parte weste nian, akompanha ho udan boot ne’ebe akontese iha maliana Vila municipio Bobonaru, hodi rezultadu estragu eskola Tekniku Vokasional Malibaka.

Ba Neon Metin  Diretor Protesaun Civil, Agustinho Belo hateten konaba anin boot ne’ebe akontese iha Maliana, ba Neon Metin Diretor Protesaun Civil informa katak anin boot ne’ebe akontese estraga eskola Tekniku Vokasional Malibaka liu-liu sala walu (8) mak hanesan sala komputador no sala sira seluk ne’ebe uza ba halo prosesu aprendizajem.

Nia informa katak depois de akontesmentu dezastre naturais, ekipa hosi protesaun Civil municipiu Bobonaru interven kedan hodi observa kedas akontesementu ne’e. Ekipa Protesaun Civil mos relata katak laiha ema ne’ebe afeta ka sai vitima ba akontesementu dezastre naturais, tanba iha tempu feriadu no estudante sira la ba eskola hotu.

“To’o ohin loron ekipa protesaun civil relata mai katak la detekta katak iha komunidade ne’ebe afeta ba dezastre naturais ne’ebe akontese, liu-liu ba ema vulneravel sira no maluk ho difisiensia sira”, hateten Diretor Agustinho, iha edifisiu Protesaun Civil, 04/12.

Konaba eskola ne’ebehetan estragus Diretor Agustinho hateten katak ida ne’e tutela ba Ministeriu Edukasaun Juventude no Desportu (MEJD) no sira mak sei responde ba eskola sira ne’ebe hetan estragus.

Nia dehan kompetensia hosi parte Protesaun Civil nian bainhira akontese dezastre naturais akontese ba dala uluk sei halo liu atuasaun hanesan salva ema no sasan sira ne’ebe importante no konaba rekuperasaun komptensia hosi Protesaun Civil nian, hare liu ba uma populasaun nian ne’ebe hetan estragus.

Print Friendly, PDF & Email

LEAVE A REPLY

Please enter your comment!
Please enter your name here