Home Notisia AJTL Husu Tatoli Halo Cover Both Side Konaba Konferensia AJTL, Rafy: Notísia...

AJTL Husu Tatoli Halo Cover Both Side Konaba Konferensia AJTL, Rafy: Notísia 2 Interligadu

480
0
estrutura AJTL halo konferensia imprensa. [Foto: Francisco JDA | 04.12.2020]

Reportazen Francisco JDA

Asosiasaun Jornalista Timor-Lorosa’e (AJTL) halo konferénsia imprensa relasiona ho publikasaun notísia agencia Tatoli.IP iha fulan hirak ba kotuk ne’ebe kestiona konaba rezultadu konferensia AJTL nian ne’ebe rezultadu hosi eleisaun Virgilio Guterres mak eleitu ba tur iha Konsellu Imprensa.

Liu hosi konferensia imprensa, Vice Prezidente AJTL,Aniceto Guterres hateten liberdade imprensa no independénsia jornalizmu nu’udar elementu kaduak ne’ebé labele haketak husi independénsia redasaun kanál mídia hotuhotu. Liberdade imprensa no independénsia jornalizmu garante kedas iha Konvensaun Internasionál kona-ba Direitu Sivíl Polítika, Artigu 19, Konstituisaun Repúblika Demokrátika Timor-Leste, Artigu 40 – 41 no Lei Komunikasaun Sosiál, Artigu 8, Kódigu Étika Jornalizmu no Prinsípi Universál Jornalizmu kona-ba independénsia editoriál no cover both sides.

Asosiasaun Jornalista Timor Lorosa’e (AJTL) mós opta valor no prinsípiu sira ne’e iha ninia estatuta atu asegura no garante liberdade imprensa no independénsia jornalizmu iha kada kanál mídia no jornalista nia atividade jornalizmu lorloron.

AJTL konsidera notísia ne’ebe Tatoli.IP publika iha loron 9 Jullu no loron 20 Novembru kona ba adia eleisaun ba membru konselho imprensa, la tuir padraun jornalistiku kódigu étika jornalizmu no prinsipiu jornalizmu cover both sides ka kobre parte rua tanba to’o agora la halo konfirmasaun ho AJTL.

Tuir Porta Voz AJTL hanesan mos Vise Presidente AJTL, Aniceto Guterres ba jornalista sira hateten tuir lolos redasaun Tatoli.IP mos tenki kestiona rezultadu konferénsia Timor-Leste Press Union (TLPU) ne’ebe realiza rekizitu hanesan, maibé Tatoli.IP nunka kestiona no publika no kestiona deit mak AJTL

“Durante ne’e Tatoli nunka halo tentativa ida ho AJTL notisia  kuota ida mak tendensioza maibé nunka mais konfirma ho AJTL, notísia hosi Outubru to’o 20 Novembru Tatoli nunka konfirma ho konselho imprensa, atu fo nia prespektiva saida mak Tatoli halo mak hatoo opiniaun hosi parlamentu”, hatete Vise Presiodente AJTL, Aniceto Guteres iha sede AJTL Fatuhada, 04/12.

Porta Voz AJTL Anicetu Guterres dehan AJTL konsidera rezultadu eleisaun iha konferénsia AJTL iha 4 de Jullu 2020, nudar rezultadu final no dezisaun aas liu ne’ebe kongresista foti, atu hili eis Presidente AJTL Virgilio Guterres “Lamukan” nudár reprezentante ativu ba tur iha KI 2020-2024

Iha Fatin hanesan, Presidente AJTL Zevonia Vieira  hatete katak AJTL iha dever moral hodi hatoo defende konferensia ne’ebe mak final ona no durante ne’e kobertura ne’ebe halao sempre temi deit mak AJTL no Virgilio Guterres no la halo konfirmasaun ho AJTL.

“Konaba konferensia AJTL no Virgilio Guteres nia naran sempre iha iha notisa laran, ami iha direitu atu esplika no hato’o liu konferénsia imprensa, atu hatán tanba sa mak Tatoli nunka konfirma ho AJTL, tanba tuir ami nia hanoin bele mosu prespektiva hosi liur katak AJTL nia konferensia ne’e illegal maibe realidade legal no buat hotu desidi iha plenaria”, hateten Zevonia Vieira.

Zevonia hatutan konferensia ne’ebe organiza hosi Konsellu Imprensa ne’e aplika mos ba TLPU ho prosesu ne’ebe hanesan no tuir asosiasaun nian estatutu idak-idak no ida ne’e akontese tanba tuir konsultasaun ne’ebe KI organiza antes hili membru KI sira, ne’ebe asosiasaun ezije atu fleksibilidade ba asosiasaun sira tuir idak-idak nia estatutu.

Entertantu Departamentu Juridiku AJTL, Scos Vieira hatete katak kódigu étika jurnalizmu artigu 5 koalia kona ba cover both sides ne’ebe hakerek ona kona ba ekilibra ne’e, bainhira jornalista 31 hatama petisaun, to’o ohin loron AJTL la hetan konfirmasaun maske temi AJTL nia naran,

Ho razaun hirak ne’e AJTL husu agencia Tatoli.IP atu garante prinsípiu cover Both Side, husu Konsellu Imprena supervisiona produtu jurnalistiku no husu ba membru AJTL tomak atu mantein sérbisu profesional tuir kódigu étika jornalizmu.

Relasiona ho Konferensia Imprensa ne’ebe realiza hosi AJTL, jornalista Neon Metin halo konfirmasaun ho reprezentante redasaun Tatoli.IP, Rafael Ximenes Belo kona ba AJTL nia statementu husu Tatoli atu halo cover both side via telefone.

Ba Neon Metin, Rafael Ximenes Belo esplika katak, “Cover Both Side ami halo tanba iha notísia rua interligadu, cover both side nafatin mantein, ezetu iha nia atualidade jurnalismu digital nia karakter ida mak hiperligasaun no up to date, laos hanesan konvensionál”.

Nia dehan cover both side la depende ba tempu maibé atualizasaun no importante liu mak notísia labele viola prinsípiu kódigu étika deontologiku, promove prekonseitu difamasaun no seluk tan.

Print Friendly, PDF & Email

LEAVE A REPLY

Please enter your comment!
Please enter your name here