Home Saude CSO Rejistu Inan Isin Rua Total 443, Maibe Asesu Asistensia Saude Iha...

CSO Rejistu Inan Isin Rua Total 443, Maibe Asesu Asistensia Saude Iha Deit 108 Tanba COVID-19

577
0

Reportazen Santina Lucia da Costa

Xefe Centro Saude Ossu (CSO), Dra. Elsa Esperanςa M. da C. Guterres, relata iha tinan 2020 atinjimentu  numeru inan isin rua, iha vizita primeiru  atinji to’o 78%, depois vizita ba da-4 ninian 75%, rejistu iha  Centro Saude Ossu. Husi pursentu inan isin rua ne’ebé rejistu, kuaze asesu mai iha fasilidade saude no parteira no doutor sira fó asistensia ba sira.

Durante iha tinan kotuk 2020 rejistu inan isin rua hamutuk 445 no iha fulan Janeiru-Marsu 2021 rejistu inan isin rua hamutuk 443, maibe husi total ne’e, foin asesu iha fasilidade saude mak hamutuk 108.

“Iha tinan kotuk, centro saude ossu la rejista inan mate, so iha kauza ne’ebé iha komplikasaun iha, ita sempre refere ba fasilidade ne’ebé aas maka ospital referal Baucau, inan isin rua ne’ebé komplikasaun, sei transfere ba Baucau hamutuk na’in 2 tanba ho kazu anemia (raan menus) entaun lori ba Baucau tanba presiza raan. Ba fali transfere iha Viqueque, iha kazu abortu na’in 5.” Informa Dra. Elsa Esperanςa M. da C. Guterres ba Neon Metin iha loron, 22/3.

Dra. Elsa, hateten, iha tinan 2021, tanba ho Covid-19 atijimentu kobertura kompara ho tinan uluk ne’e lahanesan, agora ne’e nia reduz uituan tanba covid-19 ne’e inan isin rua sira atu mai asesu iha fasilidade saude ne’e sira tauk, tanba ida ne’e mak parteira sira dalaruma lao tuir ba uma hodi fó atendimentu ba sira.

Iha fatin hanesan inan isin rua Abelita da Silva hateten maske virus Corona mosu mos iha postu-Administrativu Ossu iha ema pozitivu nain ida, tauk oituan atu la mai, maibé tan bebe presiza hetan tratamentu di’ak tenki lao to’o iha sentru saude.

“Hosi uma mai centro saude besik, maske agora dadaun moras COVID-19 iha, hau tauk uituan, mais ida ne’e kona-ba ita nia-an hotu, entaun tenki mai konsulta no hasai raan.” tenik Abelita da Silva.

Abelita dehan pesoal saude iha centro saude Ossu nian halo atendimentu di’ak, maske iha situasaun difisil hanesan agora ne’e.

Nia realsa katak atu prevene-an husi virus ne’e mak, tenki  uza maskara, fase  liman beibeik ho sabaun, distansia sosial.

Print Friendly, PDF & Email

LEAVE A REPLY

Please enter your comment!
Please enter your name here