Home Notisia Konselu Ministru Deklara Estadu Kalamidade Ba Loron 30, Aprova Mobilizasaun Internasional Ba...

Konselu Ministru Deklara Estadu Kalamidade Ba Loron 30, Aprova Mobilizasaun Internasional Ba Impaktu Inundasaun

274
0
Inundasaun Akontese iha Dili Hafoin Udan Anin Makas (Foto: AFP)

Relasiona ho dezastre naturais mak akontese iha loron hirak liuba, liu hosi enkontru Konselu Ministru, ohin 08/04,  hasai rezolusaun ida hodi deklara estadu kalamidade ba loron 30 no desidi mos kona ba mobilizasaun internasional ba impaktu inundasaun mak akontes eiha 4 Marsu liuba.

Komunikkadu imprensa ne’ebe fo sai hato katak Konselu Ministru deklara ona estadu kalamidade.

“Konselu Ministru aprova ona projetu Rezolusaun Governu ba deklarasaun estadu kalamidade, iha nivel nasionál, ba períodu loron 30, hodi hasoru akontesimentu bee-sa’e no inundasaun iha Munusípiu Dili, iha dadersan-nakukun loron 4 fulan-abril tinan 2021, ne’ebé provoka husi siklone tropikál Seroja,” Komunikadu ne’e hato’o.

Komunike mos hatete katak kria ona grupu serbisu tékniku ne’ebé sei responsavel ba identifikasaun infraestrutura no ekipamentu públiku koletivu ne’ebé mak hetan estraga husi inundasaun no hodi prepara proposta sira ba nia rekonstrusaun ka reabilitasaun.

“Bandu atu harii uma iha área inundasaun no área ho foho lolon ne’ebé naton to’o aas tanba perigu tebes.  Asaun ka forma utlizasaun rai ne’ebé bele aumenta risku akontesimentu fila-fali ka agrava ninia impaktu sira,” Hatutan komunikadu ne’e.

Konsellu Ministrus mos deside atu aprova mobilizasaun apoiu internasionál hodi hatán ba impaktu sira inundasaun nian iha loron 4 fulan-abril tinan 2021 liubá.

Nune’e Konselu Ministru mos desidi suspende impozisaun konfinamentu domisiliáriu jerál ba populasaun iha munisípiu Dili, to’o Governu deside fila-fali.

Print Friendly, PDF & Email

LEAVE A REPLY

Please enter your comment!
Please enter your name here