Home Notisia SEJD ho KRAM Konvida OAM Limpeza Uma Komunidade Mak Afetadu Hosi Dezastre...

SEJD ho KRAM Konvida OAM Limpeza Uma Komunidade Mak Afetadu Hosi Dezastre Naturais.

437
0
Membru OAM hosi PSHT, IKS, KORK partisipa iha limpeza foer dezastre naturais nian (Foto: SEJD)

Reportajen Francisco JDA

Secretario Estadu Juventude no Desportu ( SEJD) ho Komisaun Reguladora Artes Marsiais (KRAM) konvida Organizasaun Arte Marsial (OAM) Ikatan Kera Sakti ( IKS), Persaudaran Setia Hati Terate ( PSHT) Korka inklui mós arte rituiais 77 hodi fo soliedariedade ba populasaun liu hosi limpeza jerál ba vitima indundasaun iha Suku Bidau Santana, Postu Admistrativu Cristo Rei, ohin, 08/04.

Tuir Secretario Estadu Juventude no Desportu, Abrao Saldanha Nokosiku ba jornalista sira hateten, atividade ne’e bolu naran Posko Asaun Juventude nian tanba nasaun hasoru dezastre naturais no Covid-19, hare hosi potensia joventude sira nia katak sira ativu tebes iha sira nia bairo suku no aldeia nune’e joven sira husu SEJD hodi buka inisiativa hodi halo limpeza.

“Ha’u la’o ona iha bairo bairo no identifika komunidade ne’ebé afetadu no susar tebes. Saida mak atu halo mak limpeza, buka apoio sira ne’ebé mak labele liu, no ohin organiza arte Marsiais, lubuk ida. Duke loronloron mak ita ko’alia konflitu,  iha tempu ida hanesan ne’e sira bele kontribui, nune’e fó solusaun ba problema. Ita orgulho tebes tanba antes ne’e sira tuda malu iha bairo bairo maibé ohin sira hamutuk, ” hatete Secretario Estadu Juventude no Desportu, Abrao Saldanha  Nokosiku iha nia knaar fatin SEJD, 08/04.

SE Abrao Saldanha realsa tan, karaterístika Timor oan mak hanesan ne’e bainhira sira hasoru problema komún sira nia interese privadu tau ba kotuk no serbisu hamutuk.

Iha Fatin hanesan, Secretario Executivu Kera Sakti, Samuel Guterres hatete katak objetivu importante mak sempre kontribui ba nasaun tanba ne’e ohin organizasaun arte marsial hotu iha ne’e kumpre ba konvite ne’ebé simu hosi SEJD ba limpeza jerál  nune’e fó mensajen ba membru sira katak kontinua kontribui ba paz no estabilidade nune’e garante katak sei la iha komflitu ba malu.

Neon Metin observa katak OAM sira uza sira nia atributu organizasaun nian bainhira halo limpeza iha komunidade nia uma sira iha parte Bidau. Santana. Fontes KRAM nian ida hatete katak loloos ne’e OAM sira labele mai ho sira nia atributu. Maski nune’e to’o halo hotu limpeza iha lokraik, la akontese insidente violensia ruma.

Print Friendly, PDF & Email

LEAVE A REPLY

Please enter your comment!
Please enter your name here