Home Notisia Oxfam Distribui Ai-han no Laos Ai-han Ba Komunidade Afetadu Iha Sentru Evakuasaun...

Oxfam Distribui Ai-han no Laos Ai-han Ba Komunidade Afetadu Iha Sentru Evakuasaun Lahane

767
0
Country Director Oxfam iha TL, Faustino Belo Ximenes iha cetnru evakuasaun Lahane. [Foto: Francisca JDA | 27. 05.2021]

Reportajen Francisco JDA

Akontesimentu dezastre Naturais fó ameasa ba ema nia moris iha Timor-Leste liu hosi udan boot ne’ebé akontese iha loron 28 Marsu to’o 4 de Abríl rezulta inundasaun boot no rai monu ne’ebé akontese iha 13 Municipiu, iha kapitál Dili no mós ba fatin risku sira seluk.

Tuir dadus ne’ebé relata hosi Ministeriu Admistrasaun Estatal uma kain hamutuk 28.734 iha territóriu Timor laran tomak ne’ebé mak afetadu nune’e dadus ikus hosi akontesimentu ne’e relata totál uma ne’ebé estraga makas iha kapitál Dili ho porsentu 86.

Ho akontesimentu ne’e Oxfam Timor-Leste hamutuk ho parseiru sira, governu Nova Zelándia, Sekretaria Estadu Protesaun Civil (SEPC),  Raes Hadomi Timor oan (RHTO) liu hosi programa responde inundasaun iha Timor-Leste distribui ona pakote ai han no laos ai han, no sasán ijene ba ema vulneravel no ema ho defisiénsia sira, família ne’ebé hela iha sentru evakuasaun lokaliza iha Municipiu Dili, sentru evakuasaun Lahane Ocidental prontu ona fila ba sira nia uma.

Hafoin fahe Sasán ba vitima inundasaun sentru evakuasaun  iha Lahane Occidental, tuir Country Director Oxfam iha Timor-Leste, Fausto Belo Ximenes iha diskursu hateten, apresia tebes ba kontinuasaun serbisu ba kolaborasaun entre governu Timor-Leste liu hosi Sekretaria Estadu Protesaun Civil ho Oxfam ne’ebé la’o di’ak tebes, hahú hosi responde ba inundasaun to’o ohin loron.

“Ha’u apresia tebes ba kontinuasaun serbisu no kolaborasaun ho governu Timor-Leste, ida ne’e hatudu nia vontade ne’ebé di’ak tebes hodi kontinua kria espasu síviku ba iha organizasaun sosiedade sivíl hodi partisipa no kontribui ba desizaun, no asaun estadu nian liuliu responde emerjénsia no rekuperasaun”, dehan Country Director, 27/05.

Nia hatutan Oxfam nafatin iha komitmentu boot hodi serbisu hamutuk ho governu, parseiru dezenvolvimentu sira, organizasaun sosiedade sivíl no komunidade sira iha jornada dezenvolvimentu rai doben Timor-Leste, Oxfam sei kontinua serbisu no koordena hamutuk ho SEPS iha faze rekuperasaun inklui ho ami nia doadór governu Nova Zelándia ne’ebé finansia programa ida ne’e” hateten Country Director Faustu Belo Ximenes iha Sentru Evakuasaun Lahane Ocidental.

Faustu Belo Ximenes realsa tan, programa responde ba inundasaun Timor-Leste hetan apoiu finanseiru hosi governu Nova Zelándia ho orsamentu hamutuk, $ 19,562.

Iha fatin hanesan Diretór Nasionál Jestaun Risku Dezastre Protesaun Sivil, Agostinho Cosme Belo informa katak, tuir dadus ne’ebe iha sentru evakuasaun Lahane hamutuk uma kain 15 mak sei fila fali ba uma. Nune’e dadus Aaetadu iha territóriu nasionál hamutuk 3200 no apoiu ona família afetadu hosi inundasaun hamutuk 18000, no uma kain afetadu ne’ebé mak seidauk hetan apoiu hamutuk 14.000 ida ne’e hanesan traballu ida ba governu atu bele responde lalais ba vitima sira.

Entretantu Embaixadór Nova Zelándia Iha Timor-Leste, Philip Hewitt iha diskursu hateten katak, Embaixadór Nova Zelándia kontente tebes halo parseira ho Oxfam Timor-Leste, hodi apoiu umanitáriu ba família vulneravel iha sentru evakuasaun, ho apoiu ne’e enkoraja família sira atu fila fali ba uma ho seguru.

Print Friendly, PDF & Email

LEAVE A REPLY

Please enter your comment!
Please enter your name here