Home Notisia Governu Apresia CVTL nian Serbisu Iha Area Umanitária

Governu Apresia CVTL nian Serbisu Iha Area Umanitária

413
0
CVTL. [Foto: Media CVTL | 22.06.2021]

Reportajen David da Costa Gusmao

Governu liu hosi Sekretáriu Estadu Komunikasaun Sosiál (SEKOMS) agradese ba kontribuisaun Cruz Vermella Timor-Leste (CVTL) dezde inisiu to’o mai agora.

Sekretáriu Estadu Komunikasaun Sosiál (SEKOMS), Mericio dos Reis Akara hateten dala ruma iha intervensaun balun iha terenu,  bainhira iha situasaun difisil instituisaun balun sedauk to’o iha fatin, CVTL to’o uluk ona iha fatin refere, ezemplu bainhira inundasaun akontese, iha Aitarak laran, Palásiu Prezidente nian, instituisaun governu seidauk to’o iha ne’ebá, maibé CVTL to’o uluk ona.

“Hau hanoin ida ne’e hatudu katak Cruz Vermella nian esperensia boot liu kompara ho instituisaun sira seluk, ne’e mak sira eziste kleur ona, sira nia kobertura ne’e iha fatin-fatin”, dehan Akara bainhira partesipa  iha aniversariu CVTL ba dala 21,  21/06.

Nia haktuir governu agradese ba kontribuisaun CVTL dezde inisiu to’o mai agora. Esperiénsia iha situasaun difisil Cruz Vermella maka hatudu duni sira nia esperiénsia, sira nia maturidade

“Governu sei apoiu ba ita boot sira bazeia ba lei ne’ebé mak ita nia Parlamentu Nasionál sira aprova ona no ita konsidera Cruz Vermella  hanesan parseiru estratéjiku iha area umanitária nian,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here