Home Justisa Kazu Omesidu Aman oho Oan Iha Liquiҫa, Suspeitu JS Iha Sela Komandu...

Kazu Omesidu Aman oho Oan Iha Liquiҫa, Suspeitu JS Iha Sela Komandu PNTL Liquiҫa

283
0
Komandante PNTL, Komisáriu Faustino da Costa. [Foto: Santina | 29.07.2021]

Reportajen Santina Lucia da Costa

Relasiona ho kazu omesidu ne’ebé akontese iha loron 27 Jullu 2021, oras 18:30otl, aman JS ne’ebé oho nia oan mane Felis Sampaio iha Aldeia Kirilelo, Suku Asumanu, Postu-Administrativu Liquiҫa Villa, Munisipiu Liquiҫa, daudaun ne’e suspeitu iha hela sela komandu PNTL Liquiҫa.

Komandante PNTL, Komisáriu Faustino da Costa informa daudaun ne’e Polisia Nasionál Timor-Leste (PNTL) halo hela investigasaun ba suspeitu JS, no suspeitu ne’e mós agora iha hela sela komandu PNTL Liquiҫa hodi hein prosesu investigasaun.

“Kazu aman oho oan ne’e prosesu la’o hela, autor prinsipál oras ne’e iha sela polísia,” hateten Komandante PNTL, Komisariu Faustino da Costa iha Palasiu Prezidensia Nicolau Lobato, Bairu-Pite, 29/7.

Motivu husi aman oho nia oan ne’e, tanba bainhira oan ho kondisaun lanu, no hasai liafuan aat hasoru nia aman, no nia aman la simu, lori katana oho nia oan.

Entretantu Komandante PNTL, Komisáriu Faustino da Costa iha enkontru semanál Komisáriu atualiza mós kazu 50 iha semana ne’e nia laran ba Xefe Estadu.

“Situasaun jerál territóriu nasionál la’o di’ak, iha akontesimentu ne’ebé ita boot sira dala ruma akompaña kazu omesidu akontese iha Liquiҫa hanesan mós kazu balun iha Lahane iha informasaun kona-ba akontesimentu mós iha Covalima, iha semana ida ne’e nia laran iha 50 kazus akontesimentu iha ne’e mak ami atualiza,”  afirma Komisariu Faustino da Costa.

Faustino dehan Prezidente Repúblika, Dr.Francisco Guterres Lú Olo husu PNTL kontinua halo serbisu bazea ba saida mak lei, regulamentu no prosedimentu ne’ebé iha.

Print Friendly, PDF & Email

LEAVE A REPLY

Please enter your comment!
Please enter your name here