Home Notisia Ema Sei Halerik ba Bee Moos, Feto nia Responsabilidade Boot Liu Kuru...

Ema Sei Halerik ba Bee Moos, Feto nia Responsabilidade Boot Liu Kuru Bee Moos Iha 67%

1038
0
numeru feto sempre boot ba kuru bee moos. [Foto: Francisco JDA | 14.08.2021]

Reportajen Francisco JDA

“Dadus La’o Hamtuk hatudu katak ema ne’ebe iha responsavel atu kuru bee feto 67%, mane 33%. Proposta Orsamentu Jeral Estadu (OJE) 2020 ba Bee no Saneamentu, Bee iha deit $7,405 no Saneamentu $1,079”.

Bee moos nu’udar nesesidade fundamental ba ema, bee moos nu’uda direitu ema hotu nian atu asesu, bee moos mak fo moris ba ema, bainhira ema ida la asesu bee moos signifika nia sei moris iha mukit no kiak nia laran.

Timor restaura ona ukun rasik ba dala 19, maibe komunidade halerik ba bee moos sei nafatin akontese, tuir Diretor Geral Agua Saneamentu Ijieniku, Gustavo da Cruz hateten bee no saneamentu sai prioridade dahuluk ba orientasaun VIII Governu nian, hodi bele atinji sidadaun sira asesu bee no saneamentu ne’ebe diak.

“Ita nia kobertura bee no saneamentu iha teritóriu fahe ba kategoria rua, ida bee urbana iha kapitál Dili no municipiu sira secara 80% no bee rural ita atinji 71%, tan ne’e 20% hosi urbanu, sei lori periodu governasaun ida ne’e no periodu rua tuir mai to’o tinan 2030, nune’e mós bee iha area ruirais sira”, esplika Gustavo da Crus iha Salaun FONGTIL, iha tinan kotuk 2021.

Gustavo da Cruz hatutan iha jestaun Juridiku Lei no.4/2004 define bee urbanu no bee rural katak bee urbanu ninia investimentu ka operasaun manutensaun ne’e governu mak jere no bee rural ne’e hamutuk ho sosiedade sivil no parseiro dezenvolvimentu sira, dezenvolve no fo ba komunidade mak halo jestaun, tanba kapasidade rekursu finanseira no humanu limitadu atu halo operasaun tomak ba sistema iha teritorio laran tomak.

Maske parte governu deklara katak denzolvimentu bee moos atinji ona persentu boot, maibe faktu hatudu katak iha tempu bailoron feto no labarik sira dalabarak lalin sira nia jerigen hodi lao distánsia dook husi sira nia uma, hodi ba kuru bee moos.

Jornalista Neon Metin hakbesik-an ba komunidade sira iha Aldeia Bedois, suku Camea ne’ebe to’o ohin loron sei halerik ba bee moos. Situasaun sira ne’e akontese ona iha tempu okupasaun to’o ohin loron, kontinu moris mukit.

komunidade sira lalin sira nia jerigen ba kuru bee moos.[Foto: Francisco JDA | 14.08.2021

Ho situasaun ne’e komunidade no nu’udar eis Xefe Aldeia, Domingos da Costa Lopes informa katak tempu uluk to’o agora la asesu bee moos,  komunidade kuru bee mak iha mota kuak no fatuk kuak sira,  tanba populasaun aumenta, asesu bee moos susar liu tan, tanba hahú maran no la aguenta ba komunidade sira atu asesu.

 Eis Xefe Aldeia ne’e dehan, tempu beila nian bee iha area Bedois ne’e susar duni, maibe tanba grasa Maromak nian, padre ida hosi Sosiedade Verde Divide (SVD)  naran Albertino buka inisiativa hodi husu komunidade nia kontribuisaun, atu bele buka bee matan hodi oferese  ba komunidade, maibe seidauk sufisiente tanba komunidade barak no la garantia ba tinan naruk, maibe halo oinsá mak komunidade hotu asesu mak sei halo planu atu komunidade sira prezisa kontribui ba manutensaun no hadia kanu sira.

 “Iha ona planu ami atu halo, bainhira komunidade sira kuru bee hahú ho sura oras,  no oras 2 selu $2.75 sentavu, oras to’o taka ona bee, nune’e osan ne’e bele halo manutensaun ba mákina bomba no eletrisidade, maibe planu ida ne’e mos ami sei koalia ho Amu, tanba tulun ne’e mai hosi Amu, nune’e buka kooperasaun oinsá mak komunidade sira hotu atu asesu ba bee,” hateten Domingos da Costa Lopes iha Aldeia Bedois,05/08

Nia dehan maske parte governu mai ona halao teste dalarua ba bee moos, no monta kanalizasaun haleu Bedois, maibe bee la iha, estrega no soe osan saugati, monta kanu boot to’o iha laletek no tanki sira monta hela deit maibe maran no mamuk hela tan bee la iha.

Situasuan ne’e fo impaktu boot liu-liu inan isin rua sira, tanba presiza duni bee moos ba nia-an no bebé iha kabun laran, nune’e la fo impaktu ba saúde públiku, moris vulneravel ona, maibe nia sai vulneravel liután bainhira nia sobrevive hodi hetan bee moos.

Neon Metin dadlia ho inan isin rua Agusta Fatima Ribeiru, nia konfesa katak bee ne’e importante ba ema nia moris,  maibe komunidade iha aldeia Bedois terus ne’e laos oituan maibe barak tiha ona, jerasaun tutan ba tutan mos bee mak susar hela too agora ne’e, feto mak uza bee barak liu entaun se bee la iha feto mak terus liu.

“Ami feto mak uza bee barak liu, tanba uza ba tein, fo hariis oan, nune’e ita atu halo atividade saida deit mak iha uma mos importante mak bee.  Ami triste atu halo oinsá, bainhira Amo Albertin seidauk tulun ami atu dada bee.  Ami ba kuru iha fatu kuak, no ai kuak maske ami lao dook bele oan nurak, atu moras oinsá mos ami esforsu an nafatin, ita dehan bee importante entaun obriga ita, maske kilomentru dook ami esforu hodi mai tein no hemu, ba hariis no atividade seluk,” hateten Agusta Fatima Ribeiro iha Aldeia Bedois, 05/08

Inan Isin rua ne’e reforsa tan, se bee ne’e kuru dook, entaun garante kedas ba semana ida ka rua, Katuas oan mos sempre tulun, entaun bee ne’e kuidadu los hanesan osan mean, la estraga arbiru maske iha nesesidade seluk atu halo, maibe tanba bee susar entaun tenki limita nesesidade balun hanesan, kuda ai funan ka halo buat seluk tan.

Ho situasaun ne’e Neon Metin mos buka hatene prespetiva ka organizasaun sira ne’ebe serbisu, hodi tau matan ba konservasaun bee moos kria debu, fo edukasaun ba komunidade sira, atu kuda no asegura bee matan.

Diretor Perma Kultura (PERMATIL), Ego Lemos ba Neon Metin hateten durante ne’e ajénsia internasionál no governu la dun tau matan, ba bee matan iha Timor laran tomak, iha tempu bailoro bee maran, difikulta tebes komunidade lokal sira, liuliu iha area rural sira fo impaktu maioria ba feto ho labarik sira, sai vítima lor-loron loron tenki lalin bee no lao dook

Ego Lemos relata katak PERMATIL halo intervensaun iha fatin hamutuk 174 inklui RAEOA, hosi fatin 174 ne’e bele dehan 65% bee matan sira ne’e rekupera fali no iha fatin balun bee matan foun mosu tan.

Nia dehan antes 2019 bailoro ona, komunidade sira barak mak iha problema hadau malu bee, istória malu tolok malu, tan bee la too. Depois halo kaptasaun kria debu hamutuk 62 kuda mos ai 7000 iha 2019 too agora,  ita konsege hamenus problema bee, hamenus mos ema istori malu tan beeBainhira neonmetin husu karik PERMATIL iha ona planu atu konserva mos bee batan iha Aldeia Bedois ne’ebe dad

Neon Metin mos koalia ho reprezentante povu iha uma fukun Parlamentu Nasionál, Presidente komisaun E nu’udár deputadu husi bankada PLP, Abel Pires, ba Neon Metin nia hateten bee ne’e laos problema agora, dezde primeiru governu, enfrenta  situasaun difisil ne’e,  esforsu ne’ebé atu oferese bee moos ba populasaun  sira ne’e hetan difikuldade barak, liuliu tinan ida ne’e kanu barak mak naksobu, tan ne’e husu imprensa publika Bee Timor-Leste (BTL.E.P) atu aselera prosesu tanba iha orsamentu ne’ebé adekuadu

“ Bee ne’e mak moris, se bee la iha, moris la iha difisil alin sira atu ba eskola, inan aman atu ba serbisu, bin sira atu prepara ai han iha uma,  ita iha obrigasaun para atu prepara kondisaun sira ne’e tanba parte orsamentu ne’e la iha problema”, dehan Abel Pires

Nia dehan  iha osan  $120 milloens ba etragus kalamidade, “ha’u hanoin orsamentu la iha problema atu hadia estragus sira” hatete Presidente komisaun E Deputadu Abel Pires

Deputadu ne’e dehan la iha razaun atu husik situasaun sira hanesan ne’e, maske BTL.E.P foin hamriik, sira tenki halo esforsu boot no husu ba komunidade sira atu hato’o informasaun ba parte kompetente

Maske avaliasaun halao ona, no peritu sira dehan, kuantidade bee ne’e natoon hela maibe problema mak kanalizasaun, tanba la hatene atu halo operasaun no manutensaun, tanba kanu sira mak iha Portugés, Indonézia, kanu sei rungu ranga, presiza mudansa radikál atu uza kanu ida deit

Neon Metin mos koko konfirma ho Diretór Operasionál Manutesaun Bee Timor-Leste, Jaoã Piedade  informa katak, komunidade Bedois enfrenta bee ne’e tama ona iha programa bee Timor-Leste ( BTL.E.P) , no  tama iha zona 9, tempu badak sei hadia sistema problema bee iha Bedois.

Nia dehan problema bee susar tanba kanu tranzmisaun ne’ebé bomba bee iha merkadu Camea no Fatu Ahi nian enxe  rezervatóriu maibe tan dada sae ba foho leten, bee la ba inklui mos komunidade barak dada ilegál, entaun bee la to’o ba tanki sira monta iha Fatuahi hodi oferese tun ba komunidade sira iha klean.

“ Durante ne’e ita abandona, tanba bee labele sae ba leten, bee mak sirkula deit iha area sira ne’ebe ita nia komunidade sira liga direita ba transmisaun kanu, entaun bee nia forsa ne’e la too iha leten,  lakon deit iha dalan sira, entaun aldeia Bedois la hetan bee maibe lolos bee ne’e too”, dehan Joao Piedade.

Maske governu tau bomba 20  litru segundu ba komunidade sira iha ne’eba, 10 mil litru kúbiku ne’e sufisiente ba oan sira iha ne’eba, maibe tanba ligasaun ilegal bee ne’e la too iha leten, ida ne’e mak fukun loloos maibe tempu badak sei hadia problema sira ne’e.

Diretor ne’e dehan, komunidade sira susar bee moos iha adeia Bedois, tau ona iha planu no sei tur hamutuk ho Xefe Aldeia, lider lokal sira atu hadia fali bomba no sistema, hodi fornese bee ba komunidade sira iha area Bedois, maibe husu labele pániku se hadia kanu transmisaun, tanba otomatikamente bee nia kuantidade sei tun, komunidade barak mak sei hetan.

Baze prinsipál husi Konstituisaun RDTL Artigu 6 (Objetivu Estadu), garante no promove sidadaun sira nia direitu fundamentál, garante no promove respeitu ba Estadu tuir-lei no tuir-demokrasia nia prinsípiu,  kria sidadaun sira nia bem-estár materiál no espirituál hodi loke-dalan atu harii sosiedade ida ne’ebé hatuur iha justisa sosiál, artigu 57 ne’ebé ko’alia kona-ba Saúde, Estadu hatene katak ema hotu iha direitu ba saúde, asisténsia médika, sanitária no mós devér atu defende no promove direitu ne’e.

Tuir analiza hosi La’o Hamutuk konaba asesu ba bee no saneamentu nu’udar direitu umanu, iha Planu Estratéjiku Dezenvolvimentu Nasiobal 2011 – 2030, Timor-oan  hotu-hotu sei asesu bee moos no melloradu iha saneamentu.

Sustainable Development Goals (SDG) iha neen (6) Bee no Saneamentu, ho nia meta atu garantia ema hotu-hotu iha asesu ba bee hemu ne’ebé moos no fasilidade toilet.

Iha Dekretu-Lei númeru 4/2004 kona-ba abastesimentu bee ba konsumu públiku, artigu 4 katak sistéma abastesimentu bee nia finalidade mak asegura katak komunidade Timor-oan asesu ba serbisu sira abastesimentu bee ne’ebé esensiál ba saúde públiku.

Polítika Saneamentu Báziku ho vizaun no meta katak timoroan sira hela iha ambiente ida ne’ebé moos no ijiéniku, redús mate no moras, no lori benefísiu sosiál, ekonómiku, edukasaun no meiu-ambiente ba ema hotu- hotu liu husi eliminasaun seguru ba fo’er perigozu husi meiu-ambiente no prátika hahalok sira ne’ebé saudavél.

Relatoriu analiza husi La’o Hamutuk hatudu konaba situasaun real Timor-Leste katak tuir sensu 2015 total populasaun territóriu nasionál hamutuk tokon 1,183.643. Populasaun iha area rural 834.435. populasaun iha area urbana hamutuk 349.208

Dadus La’o Hamtuk hatudu katak ema ne’ebe iha responsavel atu kuru bee feto 67%, mane 33%. Proposta Orsamentu Jeral Estadu (OJE) 2020 ba Bee no Saneamentu, Bee iha deit $7,405 no Saneamentu $1,079.

Inan feton ho labarik sira ba kuru bee moos iha postu iha Oesilo. [Foto: Zevonia Vieira | 18.03.2020]

Iha karta Submisaun husi SC PN-BESI TL ne’ebe hato’o ba Parlamentu Nasional katak Asuntu Bee, Saneamentu no Ijiene (BESI) Ba Orsamentu Geral Estadu (OGE) 2020 – 2021. Iha submisaun ne’e hateten katak Plataforma Nasionál Bee, Saneamentu no Ijiéne Timor-Leste (PN-BESI TL) ne’ebé estabelese iha loron 14 Marsu 2014, nu’udár rede ne’ebe foku ba serbisu advokasia, hodi asegura povu hotu bele asesu ba Bee, Saneamentu no edukasaun Ijiéne ba komunidade.

Kontestu Kobertura Bee, Saneamentu no Ijiene iha Timor-Leste Dadus Joint Monitoring Program (JMP) tinan 2019, hateten katak kobertura bee iha territóriu Timor[1]Leste tomak, asesu ba bee moos báziku kobre ona 78%. Nune’e mós kobertura ba saneamentu báziku iha territóriu Timor-Leste nian, kobre ona 54% no Kobertura ijiene báziku iha Timor-Leste nia laran tomak atinje ona 28%. Husi dadus ida ne’e hatudu katak presiza esforsu maka’as liu tan hodi hasa’e kobertura ba atinje 100%.

Husi Observasaun Plataforma Nasional ba Bee, Saneamentu no Ijiene Timor-Leste – (PN[1]BESITL) esplika katak iha territóriu Timor laran tomak bee, saneamentu no ijiene sei sai preokupasaun aas tebes. Komunidade iha area rural sira sei ba kuru bee iha fatin dook hamutuk 30%, feto no ema ho defisiénsia sira difisil tebes atu asesu ba fatin dook, feto no labarik sira sofre tanba tenke la’o dook, hikis kosar no todan antes lori bee to uma.

Iha eskola sira falta fasilidade bee, saneamentu no ijiene, afeta ba labarik sira la tama eskola liu-liu labarik feto sira tanba laiha bee no hariis fatin adekuadu ba sira, iha ospitál no klínika sira laiha bee, saneamentu no fasilidade fase liman atraza ba pesoál saúde sira hodi halo tratamentu ijiene ba pasiente liu-liu inan isin rua sira no labarik.

Print Friendly, PDF & Email

LEAVE A REPLY

Please enter your comment!
Please enter your name here