Reportajen David da Costa Gusmao
Primeiru Ministru (PM), Taur Matan Ruak hato’o parabéns ba populasaun Timor-Leste tomak ne’ebé selebra aniversáriu Forsa Armadas Libertasaun Nasionál Timor-Leste (FALINTIL) ba dala 46
“Fulan Agostu loron espesiál tebes ba ita, tanba iha loron 20 Agostu ita komemora loron FALINTIL ba dala-46”, dehan Taur Matan Ruak, liuhusi diskrusu, iha retiru nasionál entre sosiedade sivil ho VIll Governu Konstituisonal, ne’ebé realiza iha area Waibitai foho matebian, Sábadu 21/08.
Nia haktuir hahú harii FALINTIL iha forsa hamutuk, maibé barak mak mate no ikus ema na’in 94 mak moris restu lakon vida.
“Iha tinan 1975 ita hahú hari FALINTIL, no ita ho forsa hamutuk 3000 resin, wainhira funu hotu ema na’in 94 mak fila no barak mate no lakon, ita la hatene oras ne’e iha ne’ebé, entaun ba frente armada, klandestina no diplomátika, loron ne’e importante tebes ba sira no ita”, tenik nia.
Nia salienta timoroan hotu hatene katak FALINTIL hanesan liman kro’at ne’ebé parseiru ho populasaun sira, funu hasoru militár Indonesia durante tinan 24 anos nia laran.
“Ita sei la’o to iha ne’eba, dala ruma ita sei la hasoru malu, entaun antisipadamente ha’u hakarak parabeniza populasaun tomak ba loron espesial ida ne’e”, dehan Taur Matan Ruak
