Reportajen David da Costa Gusmao
Bee mos laiha, no haris fatin mos arsaka hotu. Uluk fulan haat ba kotuk governu lori bee kada loron mai, maibe komesa husi Agustu to’o mai agora bee susar los, tanba sira lori mai semana ida dala ida, dalaruma semana rua mak lori mai”. Maria
Impaktu husi Siklone Seroja ne’ebe akontese iha 4 Abril, halo komunidade sira barak tenke evakua ba centro evakuasaun, tanba sira nia uma hetan estragus.
Fulan hitu atu besik besik ba 8, labarik ho inan aman sira kontinua sobrevive iha lona okos, ne’ebe prepara husi governu. Iha loron 7 Novembru Neon Metin hakbesik an ba iha suku Manleuna, postu administrativu Dom Aleixo, hasoru malu ho inan ida ne’ebe foin partu bebe iha fulan Outubro ho naran Mai Lou, husi naran ho signifika husi Lona ba Ospital, no sei fila fali mai Lona Okos. Inan aman deside tau naran ne’e
Maria Fatima Ximenes, idade 33 mak inan husi Mai Lou, ne’ebe foin halo fulan ida, nia moris iha centro saúde Komoro, maske sira kontente hetan kosok oan ida maibe triste tanba bebe tenke fila fali ba moris iha lona okos iha centro evakuasaun Manleuna.
Maria iha oan bebe nurak ida, maibe kondisaun iha lona okos la diak atu moris ho bebe nurak, rai manas, udan been tama bainhira udan monu rai no susar liu tanba haris fatin laiha no susar asesu bee moos, “bee mos laiha, no haris fatin mos arsaka hotu. Uluk fulan haat ba kotuk governu lori bee kada loron mai, maibe komesa husi Agustu to’o mai agora bee susar los, tanba sira lori mai semana ida dala ida, dalaruma semana rua mak lori mai”.
“Se semana ida sira la lori bee mai, hau ba ema nia uma hodi husu sira nia bee, mas ami iha ne’e ba hotu ema nia uma mak kuru bee ema dalaruma hirus ami. sei ema hirus ami la ba, ami pasiénsia hein governu lori mai enxe iha tanke mak ami kuru”, tenik nia.
Dados ne’ebé Neon Metin asesu iha centro evakuasaun Xefe família hamutuk 48, no total ema hamutuk nain 264, inan ne’ebé sei fo susu ba hamutuk 16, no inan isin rua hamutuk na’in 4.
