Home EduTek SEJD Fo Apoiu $31 mill Ba FESDATIL Hodi Realiza Atividade Desportu Akadémiku

SEJD Fo Apoiu $31 mill Ba FESDATIL Hodi Realiza Atividade Desportu Akadémiku

846
0
Festival akademiku iha SEJD. [Foto: Santy | 18,11,2921]

Reportajen Santina Lucia da Costa

Federasaun Akadémika Desportu Timor-Leste (FAD-TL) serbisu hamutuk ho Sekretáriu Estadu Juventude no Desportu (SEJD) realiza atividade Festival Desportu Akadémiku Timor-Leste (FESDATIL) 2021, organiza atividade desportu hodi prepara atleta sira ba kompetisaun rai laran no rai liur, ne’ebe partisipa husi Universitáriu 16 iha Timor laran.

Iha abertura ne’e Sekretáriu Estadu Juventude no Desportu (SEJD), Abrão Saldanha Nokosiku hateten, Festival Akadémiku ne’e importante tebes, tanba joven sira iha akadémiku, sira iha Universitariu maiória iha joven, sira iha nia talentu ida mak desportu, tanba ne’e kria espasu ba sira atu deskobre sira nia talentu, presta sira nia talentu iha públiku atu halo orgullu ba universidade no ba ita nia rai.

Abrão afirma ita hotu orgullu hatete katak, depois tinan 2014 ita estabelese Federasaun Desportu Akademiku Timor-Leste, ita iha ona medalha osan mean rua, ita boot sira pronto atu lori tan medalha liu rua ne’e ka lae.

Abrao dehan vizaun husi SEJD nian hodi halo desportu mak atu lori desportu ba sosiedade no harii prestasaun desportiva ita nia rain, ho hanoin atu lori desportu ne’e to’o iha segimentu sosiedade nian, inklui grupus Universitariu sira, atu nune’e bele haboot ita nia aliserse neineik mak ita bele prepara ba prestasaun, hahu ho apoiu Festival akadémiku ne’e,  halo kampionatu sira, realiza liga sira, hahu prepara formasõens kuadrus sira iha nivel baze, Postu-Administrativu.

Nokosiku dehan, Tinan ida ne’e re-ativa fali jogu eskolares, jogus komunitariu sira, atu nune’e bele halo boot liu tan atividades desportivu nune’e bele iha aliserse ida netik ba ita nia prestasaun.

“Hau hakarak dezeju susesu ba Festival ida ne’e, hau hakarak husu ba jogadores sira hotu atu pratika lolos atividade desportu ninian, duni mak bola, la’os duni malu, baku mak bola, la’os baku malu, ho nune’e it abele reafirma esperitu valores sira desportu ninian kona-ba esperitu kompetividade, esperitu respeita malu, respeita aniversariu, esperitu hatene lakon no hatene manan, ida ne’e mak importante husi eventu desportu atu habelar liu tan valores desportu sira.”hateten, SEJD Abrão Saldanha, iha SEJD, Lecidere, 18/11.

Iha Fatin hanesan, Prezidente FDA-TL, Zeferino Viegas Tilman relata objetivu prinsipal husi Festival Akademiku 2021, maka atu fó espasu no biban ba ita nia atletu Universitariu sira atu kompete hodi nune’e sira bele espresa sira nia talentu, liuliu talentu ne’ebé mak durante tinan ida ka rua ba kotuk la konsege espresa.

Zeferino dehan tuir planu Timor-Leste sei reprezenta ho nia modalidade lima iha Asia Games tinan 2022 iha Tailándia maka hanesan Taekwondo, atletizmu, xadrés, Futeból, no Volley Praia.

Nia akresenta husi Institutu Universidade ne’ebé eziste iha Timor laran tomak ne’e total 18,  no 18 dadaun partisipa Festival Akademikas ne’e total 16, Rua mak la konsege partisipa maka Marista Baucau no Instititu Boaventura Manufahi, sira nia problema ligasaun ho atleta no mós disponibilidade Fundus, tanba la fasil atu lori atleta ekipa boot atu mai Dili no sira membru ona ba Federasaun Akademika.

Orsamentu ba atividade refee mak total $31 mil, ne’ebeapoiu husi SEJD. Partisipante ba festival ne’e mak UNTL, IOB, UNDIL, UNPAZ, UNITAL, Institutu Politéknika Betano (IPB), Institutu Superior Cristal (ISC), Dili Institute of Technology (DIT), Institutu Cisensia da Saude (ICS), Institutu Superior Filosofia no Teologia Timor-Leste, Joao Saldanha University Dili Timor-Leste, Institutu Filosofico São Francisco de Sales, Institutu São João de Brito, Institutu Professional de Canossa, Institutu de Siénsia Relijiozas, East Timor Coffee Institute (ETCI).

Print Friendly, PDF & Email

LEAVE A REPLY

Please enter your comment!
Please enter your name here