Home Notisia Zevonia: Impaktu Husi Informasaun Falsu Halo Ema Vulneravel, Sai Vulneravel liutan

Zevonia: Impaktu Husi Informasaun Falsu Halo Ema Vulneravel, Sai Vulneravel liutan

332
0
AJTL, SEJD no PNTL disemina informasaun iha Letefoho Ermera. [Foto: Santy | 30.11.2021]

Reportajen Santina Lucia da Costa

Prezidente Asosiasaun Jornalista Timor-Lorosa’e (AJTL),  Zevonia Vieira hateten impaktu informasaun falsu ne’ebé ema espalla iha sosial media, se fó impaktu negativu barak, fiar liu informasaun falsu sei hamosu konflitu iha sosiedade no halo ema ne’ebé vulneravel, sei vulneravel liutan

Prezidente AJTL Zevonia Vieira hateten asuntu ne’e, iha ámbitu disemina informasaun kona-ba prevensaun responde ba violénsia bazeia ba Jéneru, ho sub-tema “Prevensaun Informasaun Falsu no Hoax iha media” iha Postu-Administrativu Letefoho, Munisipiu Ermera.

“Ami nia papel mak atu disemina ka halo advokasia fahe informasaun ba joven suku sira no komunidade sira iha area rural iha Timor Laran tomak, inklui jornalista oinsá atu  kombate informasaun falsu iha ita nia sosiedade, liuliu iha pandemia Covid-19.” informa Prezidente AJTL, Zevonia Vieira, loron, 26/11.

Zevonia dehan bainhia ita uza Internet, uza media sosiál informasaun falsu dala barak ema fahe tutan, informasaun falsu ho naran koñesidu Hoax ka Fake News

 “Iha informasaun falsu ne’ebé durante ne’e akontese ka espalha iha ita nia sosiedade ka media sosial, dala barak ita simu informasaun liuliu konaba ba vasina covid-19 no virus COVID-19, jornalista iha papél atu fo informasaun ne’ebe kredibel no iha integridade, nune’e la halo ema seluk sai vítima, liu-liu grupu vulneravel sira.

Nia subliña, informasaun falsu ne’e nia impaktu barak ba ita, informasaun falsu iha tolu mak hanesan, Des-informasaun, Mis-informasaun no Mal-informasaun.

Zevonia dehan dis-informasaun katak, jornalista ida hakerek notisia falsu, hakerek publika iha jornal, televizaun, radiu ka website, hatene hela buat informasaun ne’ebé nia hakarek la akontese maibe hakarak halo propaganda. Depois ema seluk lahatene informasaun ne’e, nia partilha tutan tan, hatene katak, news ne’e bosok, atu halo situasaun ne’e ladi’ak.

Nia informa katak informasaun falsu ne’e iha kategoria tolu mak hanesan disinformasaun, misinformasaun no malinformasaun, ida ne’e akontese iha era dijitál ne’ebe fo tebes impaktu negativu ba sosiedade sira, tanba fiar ba informasaun ne’ebe seidauk verifika no hakarak fahe tutan.

Nune’e Zevonia dehan importante tebes atu halo literasia dijitál ba sosiedade sira, liu-liu joven sira atu iha koñesimentu diak hodi bele halo separasaun nebe’e mak informasaun falsu no los, nune’e bele kontribui ba dezenvolvimentu ne’ebe diak, paz no sem violénsia.

Print Friendly, PDF & Email

LEAVE A REPLY

Please enter your comment!
Please enter your name here