Home Notisia UNAER: Produsaun Kafé Iha Ermera Hahú Tuun, Fó Impaktu Ba Asesu Merkadoria

UNAER: Produsaun Kafé Iha Ermera Hahú Tuun, Fó Impaktu Ba Asesu Merkadoria

454
0
Responsavel UNAER Alberto Martins Guterres. [Foto: Zevonia | 10.12.2021]

Reportajen Silvino Freitas

Uniaun Agrikultura Ermera (UNAER) preokupa ho produsaun kafé ne’ebé mak tuun makaas iha munisípiu Ermera.

Liuhusi media briefing ne’ebe organiza husi Koligasaun Agrikultura,  Responsavel UNAER Alberto Martins Guterres sede HASATIL-Farol hateten, kada tinan Ermera halo investimentu ba produsaun kafé ne’ebé makaas, maibe daudaun ne’e produsaun kafé tun.

“Ami iha Ermera kada tinan investe produsaun kafé sae, maibe dadaun ne’e produsaun hahu tún, kuandu produsaun kafé tún ona konserteza ita mos bele dehan susar ona atu asesu ba iha merkadoria, mezmu kafé ne’e iha folin diak” dehan Responsavel UNAER Alberto Martins Guterres iha sede HASATIL Farol, 10/12.

Nia esplika produsaun kafé tún tanba impaktu husi kafé ne’ebé mak tuan ona, no Ministériu Agrikultura mos la tau nia tékniku iha suku sira, hodi tau matan ba produsaun.

“Kafé la bele fo produsaun diak tanba kafé tuan, ai sira ne’ebé mak fo mahon ba kafé mos tuan no ministériu relevante mos la tau nia tékniku iha suku sira, hodi servisu hamutuk ho komunidade nune oinsá bele tau matan ba kafé sira”, nia esplika.

Nia dehan UNAER rasik iha ona baze 28 iha postu 4, inkliu mos iha suku hotu, nune  diak liu UNAER mak kria viveiru iha baze ho pakote, halo formasaun no uza rai integradu, tanba durante ne’e Ministériu Agrikultura la iha polítika oinsá atu implementa uza rai integradu ne’e.

“Politika rai integradu mak atu bele prodúz ai-horis lubuk ida, iha rai-rohan ida ita la presiza rai hektar barak, maibé fo de’it hektar ida ita bele kuda ai-horis barak, hodi halo viveiru ba ai-horis hodi troka kafé no ai samatuku ne’ebé mak tuan hotu ona” nia hakotu.

Print Friendly, PDF & Email

LEAVE A REPLY

Please enter your comment!
Please enter your name here