Home Notisia Lu Olo Husu FRETILIN Kumpre Regra Prevensaun COVID-19 Iha Eleisaun Prezidensial

Lu Olo Husu FRETILIN Kumpre Regra Prevensaun COVID-19 Iha Eleisaun Prezidensial

774
0
Sekretaria Jerál Adjunta FRETILIN, Cipriana da Costa Perreira iha palacio prezidensia. [Foto: Santy |06.01.2022]

Reportajen Santina Lucia da Costa

Prezidente Republika Dr. Francisco Guterres Lú Olo, halo enkontru ho Partidu Frente Revolusionária de Timor-Leste Indpendente (FRETILIN) hodi rona opiniaun molok dekreta data eleisaun Prezidensiál, Xefe Estadu preokupa variante Omicron, husu ba FRETILIN hato’o ba ninia militante halo prevensaun bainhira partisipa iha eleisaun prezidensiál.

Hafoin enkontru Sekretaria Jerál Adjunta FRETILIN, Cipriana da Costa Perreira hateten partidu FRETILIN fó ninia opiniaun balun, prinsipalmente opiniaun kona-ba durante realiza kampaña eleitorál hanesan mós ba eleisaun prezidensiál, saida mak ita presiza atu prevene liu-liu ho situasaun Covid-19 ida ne’e, tanba prosesu demokrasia ne’e sei halibur ema barak nune’e tenki halo prevensaun hodi haree ba povu nia saude.

“Importante Prezidente Republika nia preokupasaun atu bele hato’o ba partidu polítiku sira nune’e ba FRETILIN, atu hato’o ba ninia militante sira bainhira sira partisipa iha eleisaun prezidensiál, kumpri nafatin regras prevensaun Covid-19 tuir Organizasaun Mundial Saude (OMS).” hateten, Sekretaria Jerál Adjunta FRETILIN, Cipriana da Costa Perreira ba jornalista sira iha Palasiu Prezidensial Nicolau Lobato, Bairu-Pite, 6/01.

Cipriana haktuir rekomendasaun husi Prezidente Repúblika nian mak presizamente atensaun liu-liu ba saúde importante atu organiza kontinua mantein regra Organizasaun Mundial Saude, distansia sosiál importante uza nafatin maskara bainhira halo kampaña eleitorál, kualkér aktus eleitorál husu atu sidadaun sira atu bele kontribui nafatin.

Kona-ba kandidatura eleisaun Prezidensial, Cipriana informa ba kestaun kandidatu depois Xefe Estadu fiksa tiha mak kandidatu sé mak atu avansa, konserteja FRETILIN iha nia referénsia balun atu fó nia apoiu, depois Xefe Estadu dekreta data ba eleisaun no bele aprejenta kandidatu

Print Friendly, PDF & Email

LEAVE A REPLY

Please enter your comment!
Please enter your name here