Home Notisia PUDD Laiha Objesaun no Fó Apoiu Ba Prezidente Republika nia Hanoin Ba...

PUDD Laiha Objesaun no Fó Apoiu Ba Prezidente Republika nia Hanoin Ba Eleisaun Prezidensiál

384
0
Prezidente Interinu PUDD, Silvestre Xavier Sufa.[Foto: Santy | 07.01.2022]

Reportajen Santina Lucia da Costa

Prezidente Republika, Dr. Francisco Guterres Lú Olo halo enkontru ho Partidu Unidade DezenvolvimentuDemokratiku (PUDD), hodi rona opiniaun, molok Xefe Estadu dekreta kalendariu Eleisaun Prezidensial, maibé PUDD la iha objesaun ba markasaun data eleisaun prezidensial.

Hafoin enkontru Prezidente Interinu PUDD, Silvestre Xavier Sufa hateten PUDD la iha objesaun ba markasaun data eleisaun prezidensial, Prezidente Republika dekreta data eleisaun prezidensiál tuir kompetensia ne’ebé iha.

“PUDD hetan konvite hosi Prezidente Republika kona-ba mai rona informasaun oinsa preparasaun ba eleisaun prezidensial, nune’e em prensipiu PUDD laiha objesaun seluk no sei fó apoiu tomak saida mak Prezidente Republika nia hanoin ba eleisaun prezidensial ne’ebé sei mai.” dehan, Prezidente Interinu PUDD, Silvestre Xavier Sufa ba jornalista sira iha Palasiu Prezidensiál Nicolau Lobato, Bairu-Pite, 7/01.

Silvestre realsa PUDD prontu atu tuir eleisaun prezidensiais, maibé nu’udar partidu politiku seidauk deside atu fó nia apoiu ba kandidatu Prezidente Republika, ne’ebé sei kompete iha eleisaun.

“Hanesan partidu politik preparadu, temporariamente PUDD seidauk hanoin atu desidi kandidatura hodi kompete iha eleisaun prezidensial.  Desizaun ne’e só iha konferensia mak bele hetan solusaun, ami atu apoiu ka kandidatu sé.” Tenik Silvestre Xavier Sufa.

Print Friendly, PDF & Email

LEAVE A REPLY

Please enter your comment!
Please enter your name here