Reportajen Francisco Colo
Prezidente Tane konsumidor, António Ramos da Silva simu karta admisaun husi organizasaun Consumers Internasional, no Tane konsumidor Timor-Leste sai ona membru consumers Internsional nune’e asesu informasaun no hetan esprensia husi membru Consumers Internasional
Liuhusi karta komunikadu ne’ebé Neon Metin asesu katak antes ne’e TANE konsumidor halo ninia pedidu, atu sai membro ba Consumers Internacional iha 24 Novembru no hetan ona adminsaun iha loron 7 Fulan ida ne’e, atu sai menbru plenu iha organizasaun bo’ot ida ne’e, Liu husi karta oficial ne´ebe mak organizasaun internacional ida ne´ebe halibur Associasaun no federasaun ba defesa konsumidor iha mundu tomak ne´e hato’o ba Presidente Direção Associação Tane Konsumidor , António Ramos da Silva, iha loron Segunda-feira, 07.03.2022.
“Oportunidade hodi iha ligasaun ho Associação no federação ba defesa konsumidor nian iha mundu tomak , hsui sorin ida. Husi sorin seluk, hanesan biban ba TANE Konsumidor hodi hasae tan kbiit no hetan asesu ba informasaun no aprende ba esperiensia ba membru sira Consumers Internacional nian” hatete Presidente Tane konsumidor António Ramos da Silva, liuhusi karta komunikadu imprensa.iha edifisiu TANE vila verde,Dili,09/03/2022.
Nia hatutan ho sai membru Consumers Internacional, TANE Konsumidor nia lian la’os rona deit iha Timor-Leste maibé rona mós iha mundu liu husi rede bo’ot ida ne´e tanba Consumer Internacional mós nu’udar organizasaun representa sociedade civil ne´ebé sai hanesan membru konsultivu ba ONU, ba WTO/OMC no servisu direta ho UNCTAD.
