Home Notisia KI, PNUD ho Embaixada Japaun Lansa Livru Matadalan Eleitorál no Promove Jornalizmu...

KI, PNUD ho Embaixada Japaun Lansa Livru Matadalan Eleitorál no Promove Jornalizmu ba Paz

125
0
KI lansa livru Mata dalan ba eleitoral. [Foto: Media KI | 15.03.2022]

Reportajen Silvino Freitas

Konsellu Imprensa (KI) hamutuk Programa Nasoens Unidas ba Dezenvolvimento(PNUD) no Embaixadór Japao iha Timor-Leste, lansa livru Matadalan Reportajen Eleitorál hodi promove jornalizmu ba pás no asegura direitu báziku eleitór sira nian.

Tuir Prezidente Interinu KI, Expedito Dias Ximenes hateten matadalan ne’e hanesan giaun pratika ba media konvensionál no digital hodi halo pratika kobertura iha períodu eleisaun prezidensiál no parlamentár.

“Ita hotu hatene katak kampaíña besik atu remata ona maibe jornalista sira sei kaer kodigu etika ne’ebé iha, inklui giaun pontu 15 iha matadalan ida ne’e” dehan Expedito hafoin halo lansamentu iha Salaun KI Balide,(14/03).

Tuir nia matadalan ne’e importante tanba ita atu halo notísia ne’ebé kredivel presiza hatudu ita nia professionalismu, nune kualidade jornalista ne’e depende liu ba kualidade notísia husi jornalista sira.

“Ita hein katak matadalan ida ne’e bele ajuda maluk jornalista sira atu promove jornalizmu ba pás, bainhira iha kampaíña mak liafuan insultu ruma, jornalista tenke taes informasaun diak mak bele fo sai ba públiku atu konsumu no arkivu ida ne’ebé la favorese ba públiku” nia hatutan.

Entretantu Reprezentante PNUD Tuya Altangerel hateten, matadalan ne’e garante ba jornalista sira atu bele kumpre kódigu-konduta jornalista nian hodi koalia kona ba jornalista ba paz, reportajen no responsabilidade polítika inkluzivu durante iha períodu eleisaun.

“Matadalan ne’e sei uza ba eleisaun prezidensiál agora maibé sei dezenvolve liu tan nunee sai matadalan kompriensivu ba eleisaun sira iha futuru, hau mos garante katak matadalan ne’e sei kontribui ba kualidade publikasaun” dehan Tuya Altangerel iha Salaun KI Balide,(14/03).

Fatin hanesan Embaixadór Japaun iha Timor Leste Masami Kinefuchi mós hateten, matadalan ne’e kobre regular bázika ne’ebé jornalista sira bele observa no asegura direitu báziku votante no eleitor sira nian.

Print Friendly, PDF & Email

LEAVE A REPLY

Please enter your comment!
Please enter your name here