Home Notisia TMR: Governu Reabilita Ona Sede Suku 400, Xefe Suku no Aldeia nia...

TMR: Governu Reabilita Ona Sede Suku 400, Xefe Suku no Aldeia nia Osan Aumenta Ona

944
0
Prezidente PLP, Taur Matan Ruak iha Gleno. [Foto: Santy | 03.04.2022]

Reportajen David da Costa Gusmao

Prezidente Partidu Libertasaun Popular, Taur Matan Ruak partisipa iha kampaña abertura, kandidatu Prezidente Republika, Dr. Francisco Guterres Lu Olo iha Gleno, ba militante no apoiante sira, nia dehan governu ida, partidu polítiku tolu sustenta, no hanesan Primeiru Ministru iha Programa, iha  Planu. Balun halo ona, barak seidauk. Tanba ne’e, Primeira coiza tenke garante ba imi katak, ba tinan lima oin mai estabilidade polítika no estabilidade governativa tenke metin,  atu serbí ita-nia inan aman sira.

“Imi bele fiar katak la’ós ita ukun de’it agora. Ita sei ukun iha 2023 ba oin. Partidu tolu ne’e sei la soe malu no seluk sei mai tan, Os Verdes no sira seluk ne’ebé naran ohin sei mai tan reforsa ita para garante estabilidade polítika no estabilidade governativa. Ne’e kondisaun mesak atu bele hetan kbiit atu hala’o ita nia programa sira”, dehan Prezidente PLP, iha Gleno 02/04.

Nia relembra fali katak antes sai Primeiru Ministru, bainhira sei kaer kargu nu’udar Prezidente Repúblika, bainhira vizita suku sira, inan aman no komunidade sira fo lia menon, katak hakarak aumenta osan idozus no Xefe Aldeia sira nian no governu responde duni sira nia preokupasaun

“Agora sede suku 452, 400 prontu ona, tinan oin 50 resin tan, Timor laran tomak  sede suku reabilitadu.  Foin daudauk Ministériu Estatál fahe komputador ba sede suku hotu, komputador 1 no printer 1″, informa Taur Matan Ruak

Alende Taur Matan Ruak mos hateten fundu tokon 1 resin ne’e hodi tau matan ba povu nia moris, “ita hotu uitoan-uitoan tenke hetan, la’ós ida mesak mak halo funu. Fulan ne’e ka fulan hitu iha direitu. Justisa tenke iha. Diskriminasaun labele iha.  Ita-nia kandidatu horibainhira hameno, Primeiru Ministru, funsionáriu públiku sira  to’o Dezembru simu désimu terseiru mes, tanba saida mak ha’u nia populasaun la simu. Ha’u dehan amu ha’u sei fó kada família iha dezembru $200”.

Print Friendly, PDF & Email

LEAVE A REPLY

Please enter your comment!
Please enter your name here