Reportajen David da Costa Gusmao
Iha publikasaun husi Sekretariu Tékniku Administrasaun Eleitorál (STAE) hatudu ezultadu provizóriu apuramentu Nasionál ba eleisaun prezidensiálál tinan 2022-2027 iha eleisaun segunda volta katak kandidatu Prezidente Repúblika (PR), Dr. Jose Manuel Ramos Horta manan ona ho votus 397,145 (62,06%).
Tuir dadus hosi STAE Nasionál nian katak tótal akta hamutuk 1200, no akta hosi munisipiu sira , iha Aileu akta 73, Ainaro 70, Bobonaro 130, Baucau 125, Covalima 80, Dili 130, Ermera 115, Lautem 80, Liquiça 72, Manufahi 94, Manatuto 70 RAEOA 60 no Viqueque 90.
Entertantu akta hosi rai liur hamutuk 9, no iha Australia -Darwin iha akta 1, Melbourme 1, Sydney 1, Korea dos Sul iha akta 1, iha Oxford iha akta 2, Irlandia do Norte akta 1 no Portugal-Lisboa no Portu iha akta 2.
Nune’e Iha apuramentu Nasional iha STAE ba iha eleisaun prezidensiál segunda volta hatudu kandidatu Prezidente Repúblika, Ramos Horta maka sai manan nain ho total votus 397,145 (62,06%) hosi sai Prezidente Republika iha Timor-Leste, no kandidatu Prezidnete Republila Francisco Gutrres Lú Olo hetan votus 242,440 (37,91%).
Totál elitores ne’ebe maka rejistu hosi baze de dados STAE nian hamutuk 859, 925 hosi numeru eleitor ne’ebe partisipa iha elisaun hodi ezerse direitu votu, iha eleisaun segunda volta hamutuk na’in 646,389, ho taxa partisipasaun iha (75, 17%), hosi total lista eleitór mane 334, 177 (51,70%) no feto 312,212 (48,30%), eleitór ne’ebe la partisipa iha eleisaun prezidensiál hamutuk 213,536 (24,83%).
Nune’e votus validu 639,585 no taxa partisipasaun (98,95%), votu branku iha 1,438 (0,22%), votu nulu iha 5,048 (0,78%), votu reklamadu 277 (0,04%), votu rezeitadu iha 22 (0,00%) no ikus liu maka bolletin votus abandonadu iha 17 (0,00%).
