Home Notisia Sentru Votasaun Sede Suku Kuluhun, Horta Manan Ho 585, Lu-Olo 181

Sentru Votasaun Sede Suku Kuluhun, Horta Manan Ho 585, Lu-Olo 181

585
0
polling staff prepara atu sura iha Sede Suku Kuluhun. [Foto: Adroaldo | 20.04.2022]

Reportajen Adroaldo “Saretukau”

Rezultadu votu hosi sentru votasaun Sede Suku Kuluhun, Postu Kristu Rei, Munisípiu Díli, kandidatu Dr. Ramos Horta manan ho votu 585, kandidatu Dr. Francisco Guterres Lu-Olo ho votu 181, ho votu nulu 6, no la iha votu abandonadu, rezeitadu, branku no reklamadu, hodi kompleta akta no hatama ba urna iha oras 18:45.

Prezidente Sentru Votasaun Kuluhun, Sales Fátima Madeira, hato’o prosesu hotu la’o di’ak hahú hosi tuku 06:00 to’o tuku 07:00 kalan, ba prosesu votasaun to’o kontajen de votu. Situasaun la’o di’ak maske iha fiskais balu protestu maibé maibé buat hotu rezolvidu.

Iha parte Sorin fiskais hosi kandidatu Horta, Mariano Mendonsa Faria hato’o, prosesu votasaun la’o di’ak, maibé iha diskuti malu oi-tuan ho fiskais kandidatu Lu-Olo iha kontajen de votu, maibé ida ne’e hanesan klarifikasaun ba kontajen nian de’it, maibé sira simu rezultadu votasaun ne’ebé fo sai.

Nune’e mos fiskais hosi kandidatu Lu-Olo, Palmira Amaral, hatete sira hahú kedas iha sentru votasaun tuku 06:00 to’o tuku 15:00, hodi hahú kontajen votu, buat hotu la’o di’ak no rezultadu “iha 585 ba iha abo Ramos ni-nian, ba abo Lu nian iha 181.” Fiskais Lu-Olo nian ne’e hatutan, hosi rezultadu ne’e sira simu maske atu lakon ka manan, tanba ida ne’e mak povu fo konfiansa ba sira nia kandidatu.

Kontajen votu la’o ho ambiente ida di’ak, no la iha interompidu, maske fiskais sira haksesuk malu iha prosesu kontajen de votu, ne’ebé akompaña rasik hosi fiskais kandidatu Horta no Lu-Olo. Iha prosesu votasaun to’o kontajen hetan seguransa másimu hosi Polísia Nasional Timor-Leste, no observa direita hosi CNE no OIPAS.

Print Friendly, PDF & Email

LEAVE A REPLY

Please enter your comment!
Please enter your name here