Reportajen David da Costa Gusmao
Porta Voz Alieba Lito Da Costa Andrade lamenta ho deklarasaun deputudadu bankada Frente Revolusionáriu de Timor-Leste Indepedente (FRETILIN), Fabião de Oliveira katak ai-leba ba halo foer Palasiu Prezidente no hatún dignidade nasaun ninia.
“Hakarak hato’o ami nia lamentasoen ba iha deputadu sira, liliu ba iha deputadu bankada FRETILIN, nia lamentasaun katak ami ba iha palasiu Prezidente ne’e ami ba halo foer, hatun digunidade nasaun ninia. hau hakarak hatete hela ba deputadu nu’udar Timoroan no iha fuan kalae? Se fuan ne’e Timor hanoin took, tanba saida maka aileba ne’e iha no existe nafatin, husi beala sira to’o mai ami jerasaun ne’e iha, tanba ami konsidera governu ne’e kibit sei naton hela no seidauk kobre ba ami, ne’e ami leba ida ne’e atu hadi ami nia moris ,” dehan porta Voz Aileba Lito, lihusi Komperensia imprensa iha jardin 5 de maiu, Sexta 1/07
Nia dehan aileba sira ne’ebe faan sira nia produtu ne’e, atu ajuda governu hodi kria servisu ba nia an, atu labele iha dependénsia ba governu, no bele ajuda mós governu hodi kria servisu ba nia an rasik, hodi hadia moris. Sei kria ona servisu ida ne’ebe diak ba aileba sira, aileba sira prontu husi fatin sira ne’e moos.
“Ami faan ida ne’e, siginfika ami mos tulun ona estadu tanba estadu laiha responsabilidade atu hadia ami nia moris. Se ita boot sira dehan servisu. Servisu saida maka loke ona, se ita boot sira loke ona servisu, ami prontu atu servisu, ami husik aileba atu fatin ne’e moos ba ita boot sira,” hatete Nia.
Dehan aileba sira maka foer ne’e laiha buat ida, maibe labele dehan produtu sira ne’e foer, tanba ai-han sira ne’ebe maka han ne’e maka halo moris ema to’o ohin loron ne’e.
“Dehan ami maka foer laiha buat ida, maibe labele dehan aifuan sira ne’e foer, tanba aihan sira ne’e ita boot sira han hotu maka moris, mais ita boot sira dehan ami nia aifuan, produtu sira ne’e maka foer, Maromak no matebian luta ba rai ida ne’e mós hatene,” tenik nia.
Nia salienta ailbea sira ne’e nungka hetan osan boot hanesan parlamentu sira hetan, aileba sira hetan osan dala ruma la to’o nafatin, no la kobre ba sira nia nesesidade, maibe aileba prontu nafatin faan ida ne’e, tanba iha Timor ne’e servisu seluk laiha ona.
Iha parte seluk aileba sira kontente tanba atuál Prezidente Republika, Dr. Jose Ramos Horta iha programa ida katak, atu sosa aileba sira nia produtu liliu ba aifuan sira, no sira mos sente katak nasaun ne’e sira nian duni
“Foin primeira vez Prezidente halo ida ne’e, Prezidente hira ona troka malu, maibé foin primeira vez halo programa ida ne’e. Ami sente kontente, no ami sente nasaun ne’e ami nian, tanba ami bele tama Palásiu Prezidente ne’e, mas durante ne’e dalaruma estrada mos ami la liu,” Lito espresa nia sentimentu.
